مـعـتقد  عدنه  و ضمير...ننكر الحق ما  يصير قـالـوا إتـبعوا التقيّه...صحنه مظلومه الزجيه نــنــكــر  الـحـق مـا  يـصـيـر إحـنـه لـو عـدنه عقيده عن وعي آمنه  بيها لازم  إنـضـحـي لجلها و ساحة الحق  نعتنيها تـنـحـسـب  ذله  و خيانه لمن إنجامل  عليها لازم إنـلاوي الـشماته ما نطخ و إنحب  إيديها هـذا واجـبنه الصريح...نتخذ موقف  صحيح مـن بـعد سيد البريه...صحنه مظلومه  الزجيه نــنــكــر  الـحـق مـا  يـصـيـر عـدنـه  موجوده الأدله كل سؤال إنرد  جوابه آيـة  الـقـربـه و أجرها الباري نزلها  إبكتابه عـن فـدك إلـمـن إرثها بلّغ الهادي الصحابه و  اللي ياذي الزهره قلهم بالحشر يكلف  حسابه سـمعوا إشوصه الرسول...وشجره إبحال البتول شـافت  أنواع  الأذيه...صحنه مظلومه  الزجيه نــنــكــر  الـحـق مـا  يـصـيـر فـاطـمـه رب الـجـلاله بلّغ الهادي  بإسمها قـبـل  مـولـدها تسبّح فاطمه و إتكلم  أمها و  الـنـبـي إيشمها إبحنانه يمه دوم و هو  يمها مـن  أشـم  الـبـضعه قلهم ريحة الجنه  أشمها فـاطـمه عطر الجنان ...وصه بيها إبكل  مكان بـعد أبوها أول ضحيه...صحنه مظلومه الزجيه نــنــكــر  الـحـق مـا  يـصـيـر لـوعت  الزهره  و هضمها عنها نبدي إبيا بدايه و  اللي عن كسرة ضلعها شكوا إبضعف  الروايه خـلـي يـقرون إبكتبهم عن خبر نص  الولايه فـاطـمـه إبـخطبتها لمن وضّحت كل النوايه صاحت إبلوعه و عتب...حق علي ليش إنغصب و  إنظلم حامي الحميه ...صحنه مظلومه  الزجيه نــنــكــر  الـحـق مـا  يـصـيـر سـاعة  السمعوها صاحت نددت بأهل  السقيفه قـالـت إلهم يالسمعتوا صاحب الدعوه  الحنيفه عـيّـن  بـأمـر  الجلاله حيدر إعليكم  خليفه منهو  بيكم  مثله ضحه كل حرب فارسها  سيفه مـن  بـعـد  هذا الخِطاب...بينوا رد  الجواب و  إنكشف سر القضيه...صحنه مظلومه  الزجيه نــنــكــر  الـحـق مـا  يـصـيـر