أضف الموضوع
الشاعر السيد عبدالخالق المحنّه - 02/07/2013م - 11:49 م | عدد القراء: 15718
إي و حق إزنودك ...إحنه كلنه إجنودك
إنـت عـلـمت اليحبك يرتفع نوماسه
يـنـقـطع راسه و يعاند ما يدنق راسه
من يشوف إدموع إخته ينجرح إحساسه
إحـنـه خـدام العقيله و القبر حراسه
نبقه نحجي إبزودك ...إحنه كلنه إجنودك
يـا بو فاضل هاي كلمه بالصحن نحجيها
و الله كـل هاي الجفوف الزينبك نهديها
و الله لـو نـنـذبح كلنه زينب إنحاميها
إحـنه إلها إنروح فدوه و هيه ما ننطيها
نـفتخر بوجودك ...إحنه كلنه إجنودك
إحـنـه هـالمره حرسها فنهم يسلبوها
و الـسبوها مره وحده و ما بعد يسبوها
نفني كل جيش النواصب و الله لو مسوها
من جثثنه إنسوي ساتر حته ما يشوفوها
مـن يجي لحدودك ...إحنه كلنه إجنودك
إحـنه جيش الغيره إحنه بت علي تنخانه
و الله نقلبها قلاب و خل تشوف إعدانه
ويـنـه وينه الشمر وينه وين إبن مرجانه
و الـيـقول أسبيها ثاني إلا أقص إلسانه
يالوفيت أوعودك ...إحنه كلنه إجنودك
نـقـسم إبدمعات زينب و القسم ياذينه
إحـنـه واحدنه يضحي إبعينه و بجفينه
و الـيقول أهدم قبرها خل يجي إيلاقينه
ذولـه إحـنه أنصار زينب و اليهدم وينه
يـالقسمنه إبجودك ...إحنه كلنه إجنودك
و الله مـا يـسبوها ثاني و شيعتك حمايه
إبكربله سبعين جنتوا و إحنه هسه إهوايه
عـدنـه مـا تـعني المسافه نعتني مشايه
نرعب إجيوش النواصب من نشيل الرايه
نـفتهم مقصودك ...إحنه كلنه إجنودك |
|
