يـبني بضمير يفوح... غصنك  الازهر نـابت ابوسط الروح ... و بقلبي  أثمر آه يـبـنـي يـلكبر...آه يبني يلكبر مـشبوحه عيني اعليك مشبوحه  عيني راح و بـعـد هـيهات طيفك  يجيني يـولـيدي  حان  الموت بينك و  بيني لا  لا تـلـوم الـعـين خليها  تسهر عـوف  الـتراب و قوم إغفه ابدليلي نـام  انـته و آنه اعليك سهرانه ليلي اشـحـسـبالك ابفرقاك يبرد  غليلي مـا يـبـرد و لـلموت نيرانه  تسعر أصفن و أدير العين و ايدي اعله  خدي ابهيمه  و أحاجي الروح خلاني  وحدي لا  ظـل عزم لا حيل لا مهجه  عندي سـر الـقـلب للناس بدموعي  يظهر جـاوين  أروحن  وين جاوين  أروحن مـخـنوقه بالحسرات بسكوت أنوحن أنهض و أطيح اردود و أنهض و أطيحن مـقـدر  عله  الآهات يوليدي  مقدر وقـتـك جزاني و فات وقتك  جزاني ابـديـرة غـرب ظليت آنه و  زماني اتـنـطرك  جم ذوب جم ذوب أتاني امـدوهـنه  فكري اعليك تاه و  تحير لـلـظـنـك  للشدات  يبني  تنيتك تـالـيـهـا عـالتربان طايح  لقيتك و الـعـمـر لو ينباع بعته و  شريتك سـعـرك سعر دنياي يوليدي و  أكثر شـنـهـو  العمر شيفيد شلي ابحياتي يـولـيدي  قبلك  ريت حانت  وفاتي و  شـحـصـلت شلقيت من نايباتي و  بـالـطف  زماني الخير راح و  تغير حـرقـة نـمـير احشاي نار المصيبه عـقـبك صرت هاليوم بالطف غريبه طـيـب  العمر  لو راح منهو  اليجيبه إخـلافك  لذيذ العيش ضاع و  تكدر