أضف الموضوع
الشاعر وسام الشويلي - 17/12/2013م - 10:37 ص | عدد القراء: 15458
صوت إحساس...وي عباس...بيه نتكلم...ياوفاي..عوف الماي..جفك زمزم
ياعباس ابرائتنه اجينه انوح ...نسولف وانته تسمعنه بقلب مجروح
طفل من يحجي كلماته تذوب الروح... طلبنه تبقى بخيامك وابد لتروح
لا لتروح ...للمجروح ...انته البلسم ...ياوفاي عوف الماي جفك زمزم
شيفيد الماي من دونك ينبع الماي... تروح بعيد منريدك نريدك جاي
حنانك ماي ويروي و يداوي الداي... لا تبعد عن اسكينه نطلبك هاي
كلشي يهون ...بس اشلون... لو ماتسلم... ياوفاي عوف الماي جفك زمزم
بمدامعنه يبوفاضل نترسه الجود كل غايتنه لطفالك تظل موجود
سألنه الظامي عبدلله بقلب ممرود يظل عباس لو يمشي بعد ميعود
بمهده وصاح... بس لا راح ...نادوا لي العم ...ياوفاي عوف الماي جفك زمزم
كلام من القلب يطلع دمع و إحساس احنه انروح للشاطي وتظل عباس
رقيه تعيش بنفاسك يبو النوماس بعد من وين لحسينك نجيب أنفاس
دمعه وصوت... طفله اتموت ...من تتيتم... ياوفاي عوف الماي جفك زمزم
دمعنه ايصيح لاتمشي الوداع آلام لأن لو طاحت الرايه تطيح اخيام
اذا عالشاطي بعيونك تصير اسهام تره اعيون الحرم بعدك ابد متنام
عاين حال ...هالأطفال ...بيهم إرحم ...ياوفاي عوف الماي جفك زمزم |
|
