أضف الموضوع
15/09/2014م - 8:31 م | عدد القراء: 3267
خليني الليله أفرح خليني ...ما ريد الدمعه اتمر بعيني
هناك آنا و دلالي ...نفرح يم الغالي
ما ريد الدمعه اتمر ابعيني
مشهد جنه... و ليها أتعنه ...ما تشبع من عدها الروح
ها يمسافر ...قلبي الحاير... إخذه اوياك بيوم اتروح
إسمع نبضه... إشتاق الأرضه... و بمشهد ما تبقه اجروح
يم الغالي... ايدق دلالي ...و صوتي باسمه ايرد مبحوح
يا بو محمد ليلة ميلادك... جايين انهنيك بأعيادك
متعنيك ابنص قلبي احجايه...يالبس يمك وجهي يدب مايه
يمك ينسر حالي...نفرح يم الغالي
ما ريد الدمعه اتمر ابعيني
كل القاصد... صحنه و رايد ...لو طال المقصد لو طال
بس يحجيها... إي يقضيها ...يسمعها و تخلص بالحال
باب الجنه ...كل شي اتمنه ...ما تصعب يمه الآمال
إتعناله ...و إشكي الحاله ...كل همك صدق ينزال
يالروحك بجروحك مهمومه ...أوصل حلفه ابحق المعصومه
لا ميردك خالي...نفرح يم الغالي
ما ريد الدمعه اتمر ابعيني
عونه الساكن ...يم الضامن... يوميه يصبح بهواه
يشتم عطره... يهيم بسره ...ايطوف المرقد يتعناه
صحنه الجنه ...بيه نتمنه... كل العمر انعيشه اوياه
بيه إدوانه ...اشقد شافانه... عايش بينه و ما ننساه
و الشاف المرقد ذيج أنواره ...إيظل مشتاق اشما راح و زاره
نور إيشع و عالي...نفرح يم الغالي
ما ريد الدمعه اتمر ابعيني |
|
