أضف الموضوع
الشاعر علي الخفاجي - 24/09/2014م - 1:12 ص | عدد القراء: 4039
باب الحوائج معروف ....ما خيب الدق بابه
باب الكرم شوف إشترك من آثار
بالتضحيه و بالعاطفه و بالإيثار
إبلوح المجد نعرض لك إحنه أخبار
نتأمل إبعينك إتشوف الزوار
نتعنه للحضره إزحوف...نهوه و نشم إترابه
يا من ردت ترجع و مرفوع الراس
طوف إبقبر راعي الفخر و النوماس
و حلفه إبخدر زينب و أخوها العباس
إبهذا الشعور النابع من الإحساس
إشما ردت أكثر ينطيك...من توقع إعله أعتابه
رب العرش من ينظر المعروفك
لا تعتقد بالشده لحظه إيعوفك
و من تطلب الحاجه من أهلها إيشوفك
ما ترجع الدار و خليه إجفوفك
ركن الشرف ليل إنهار...ما يرد جف أحبابه
إبحاجتك غانم لو ردت يوم إتعود
للكاظميه إتوجه الراعي الزود
عندك خبر من يكرم إبلايه إحدود
يشبه علي جده علينه من إيجود
طيح إعله شباجه و صيح...إبدمعة حزن سجابه |
|
