شيصبر الروح يالفارقتني  ...يالفارقتني عد       من      عفتني      ...يبني شيصبر        الروح         يالفارقتني يالفارقتني...عد  من  عفتني  ...يبني حلم  عمري  زفافك  و  إنت  أيامي يا  جاسم  يبني  يمته  إتحقق  أحلامي إجيت   الكربله   إبخطوات    آلامي فرح   لو   نايبه   متحضره   جدامي نظراتك     إجروح    عينك    بجتني روحك خذتني روحك  خذتني...يبني يقلو    لي    عرس   جسام    بمحرم قلبي   إيقلي   عدنه   إبكربله    مأتم الشمع  ويه  الدمع  يوليدي ما  يرهم و  يا  فرحه  تصير  او يمها طايح  دم للحسره   و   النوح   جنك   جبتني ما   جاوبتني   ما   جاوبتني   ...يبني ذكره   الزفتك   راح  أعلق   الشمعه إخذ   وياك   مني   الفرقتك    دمعه أقولن  هذا  عرسك  بس  أريد   أنعه و  أون  إعليك  ونت فاطمه  البضعه هجرانك     إيلوح     بيه    صوبتني ليش  إهجرتني  ليش إهجرتني...يبني أسأل  و  أدري  نار  الهضم ما  تطفه ليش   الدنيه   يبني   إوياك    مختلفه من   دون   الربع   لا  حنه  لا  زفه مثلك  يا  شباب  الدم  صبغ   جفه بالعرس    مذبوح   بلوه   و    دهتني بيها  افجعتني  بيها  افجعتني... يبني يمكن   لو   يصح   غيرك  ولد   ثاني يظل   وياي   سلوه   ابيوم    أحزاني لجن  بس انت عندي و دهري  وازاني خذاك   الموت  مني  وحدي   خلاني ظل  دمعي  مسفوح  وحدي  اتركتني نارك   جوتني   نارك    جوتني...يبني لا   تعتب   عليه   اتقول  وين   أمي ما   ناحت  إقبالي  و  لا  بجت  يمي ما   خلوني  أودعك  آه  يا   هضمي لمحتك   من   بعيد  و  دمعتي   تهمي عالغبره    مطروح    أدري    اعذرتني لمن    شفتني    لمن     شفتني...يبني عفتك   عالوطيه   امخضب    ابدمك أمنّتك   جسد   يوليدي   يم   عمك لو   بيدي   ييمه   جان  أظل   يمك و   يضمني  القبر  لو  رايد   ايضمك لو  بيدي  ما  روح  بس  قوم  إجتني وليه    ولتني   وليه   ولتني    ...يبني اسأل  دهري  يبني  المات  هم  ايعود يجاوبني   اشيرجعه  السكن   بالملحود اشلون أدخل البيتي و انت ما موجود ليلي  اشلون  أنامه  و  الدمع  مريود ظل   جرحي   مفتوح   من   ودعتني ما   ضمدتني  ما  ضمدتني   ...يبني