أضف الموضوع
الشاعر ميرزا عادل أشكناني - 24/11/2014م - 1:26 ص | عدد القراء: 2779
بالله يا دمعاتي صبري ...لازم ايعود
والدي واعدني و ادري...يوفي الوعود
آنه بنتك يالعفتني ابعلت اجروحي... يا بعد روحي
خلصت أيام إنتظاري و ما خلص نوحي... يا بعد روحي
و أنطر ابقيت... اتنور البيت ...يا بعد روحي
و اليساهر ليله يبقه ايعد بالنجوم
و آنه سهرانه و دليلي ايعد بالهموم
ابجيتك ريت ...اتنّور البيت...يا بعد روحي
اليا سبب يا دمعي تجري... فوق الخدود
والدي واعدني و ادري...يوفي الوعود
آنه وي داري بقينه نرتقب أمرك ...كلنه ننتظرك
طال ليل الشوق ما طلع فجرك ...كلنه ننتظرك
ابخدي نهرين... تدري يحسين...كلنه ننتظرك
و عيني تسألني عليك ايعود يمته
اشما تصفح بالوجوه اتشوفك انته
اتنطرك العين...تدري يحسين ...كلنه ننتظرك
حسرتي آهاتي جمري... كلهن اشهود
والدي واعدني و ادري...يوفي الوعود
أدري بطباع الأبو لو طالت المده...يوفي ابوعده
و الوفي اشما يقسي دهره ينقلب ضده...يوفي ابوعده
والدي قال وعده لو طال ...يوفي ابوعده
و آنا متأكده والدي ايعود اليه
بيده عبدالله و عله أجتافه رقيه
كلي آمال...وعده لو طال... يوفي ابوعده
من يرد راح أوفي نذري... و أزرع اورود
والدي واعدني و ادري...يوفي الوعود
كل طرف برض المدينه يعتب ابحسره... طالت السفره
بويه حته أم البنين اويانه منتظره ...طالت منتظره
وفّي الدَّين... قلتلي يومين ...طالت السفره
قتلي لمن نستقر يوقف نحيبج
راح أوديلج علي الأكبر يجيبج
الوعد وين ...قلتلي يومين ...طالت السفره
أنتظر لو أفني عمري... ابذيج العهود
والدي واعدني و ادري...يوفي الوعود
ابمصرع افراقك يبويه ايموت دلالي... إرحم ابحالي
امكانك ابكل زاويه بالبيت ظل خالي ...إرحم ابحالي
و الشعر شاب... من هالمصاب ...إرحم ابحالي
أسمع اغراب الأجل ينعه بنياحه
و عيني تنظر بالدمه يقطر جناحه
يبجي الغراب من هالمصاب...إرحم ابحالي
كافي من همك يدهري... عالقلب جود
والدي واعدني و ادري...يوفي الوعود |
|
