أضف الموضوع
الشاعر زيد علي العبنّدي - 25/11/2014م - 10:02 م | عدد القراء: 2102
يبنَ عمي إني أسيرٌ فاذكرني
رُغمَ كربي...صاحَ قلبي
واحسيناه ...فاذكرني
مسلم أنا و طحت ابيسر ...يبن الطهر...و اتفرد بروحي البين
أتمنه عباس القمر... يمي حضر...و اتحامي عني الجفين
لا عندي عزوه و لا أهل بس الأجل... داير عليه الصوبين
ما لحظه من عمري اندمت...لا فكرت...أترك عهودك يحسين
يا إمامي أنتَ المواسي ...في الحُزنِ
لاحَ موتي...جاءَ صوتي
واحسيناه ...فاذكرني
مولاي انت و سيدي... بيك أقتدي...و انت المطّهر تطهير
كل آيه نزلت و السور...يبن الغرر...اعليك انت يحسين اتشير
أقبل حميده تنسبي...يبن النبي...ويه يتاماك اتسير
و لعيونك اليوم أنذبح ...و أرجو الصفح...لو مني شايف تقصير
سالَ نحري و الروحُ ...تدعوا
سامحني ...حينَ حتفي...قالَ نزفي
واحسيناه ...فاذكرني
يا أغله من روحي و أعز...عهدك ركز...بين القلب ويه الروح
ابنحري يحز سيف الأجل... لاجن يظل...وجهك عله اعيوني ايلوح
لو دمي يحسين انسفك...و جسمي انترك...فوق الترايب مطروح
أشكر إلهي بهالأمر...يبن الطهر...ما راح أشوفك مذبوح
في مماتي عهدَ وفائي... خُذ مني
في مصابي...ذا جوابي
واحسيناه ...فاذكرني
بارينه شاءت حكمته... يا حجته... امن الماي تبقه محروم
واجب على قلبي الضمه... و خل فاطمه...تشهد عليه ابهاليوم
يحسين من فوق المهر...لو تنعفر... و اجروحك اتفيض ادموم
هذا آنه أنا من فوق القصر...جسمي يخر...و يماثلك يا مظلوم
إنَ جسمي دامٍ تهاوى...فانظرني
صوتُ روحي ...و جروحي
واحسيناه ...فاذكرني
مولاي يا ثاني سبط... بيك ارتبط...خل تشهد أهل الوجدان
اسمي يظل طول الدهر...آية فخر ...يحسين و انت القرآن
وينه اليريد الغانمه... من فاطمه ...خل يخدمك يا عطشان
هذا آنه قبري ابكل زمن... جنة عدن ...بعتابي تهوى التيجان
أنتَ تبقى سِرُ خلودي...يا حُصني
ذا ندائي ...يا رجائي
واحسيناه ...فاذكرني |
|
