أضف الموضوع
الشاعر ناظم الحاشي
الشاعر ناظم الحاشي - 07/03/2015م - 4:22 م | عدد القراء: 2399
تسألون عله أسباب عذابي...قبل يوم يطيعون كتابي
بعد يوم يهتكون حجابي
قبل من جان أبويه الكل يهابوني ...يحلفون بخيالي و ما يزعلوني
قبل لا أصيحهم جانوا يسمعوني ...من غابت عليَّ اعيونه عادوني
قبل جان يهابون مقامي ...و إذا أقول يسمعون كلامي
و أنا اليوم يرفضون جوابي
جنت من أمشي ما يمشون جدامي ...يبوسون التراب الداسته أقدامي
منهم كل عذابي اليوم و آلامي ...نزلت من سببهم دمعة أيتامي
عله الباب يطيحون جنيني ...و أنا بسوط يضربون جبيني
الي شهود عله النار يبابي
حكموا بإسم أبويه و حاربوا صهره ...خذوا منه الخلافه و خالفوا أمره
أبد ما جن وصيه ووالد العتره ...و لا جن بت محمد فاطمه الزهره
يرفضون وصيه النبيهم ...ينكرون خلافه الوليهم
عله الخان يقولون صحابي
أبويه بعالي صوته يصيح لي البضعه ...إذا نزلت دمعتي يهل جمر دمعه
أنا الشمعه بحياته و طفوا الشمعه ...و كسروا ضلعي خاطر ينكسر ضلعه
أمر صار يمنعون دمعتي ...مثل ميت بالوداع غربتي
عله الناس فلا صار مصابي
باب الجان أبويه بيمنته ايدقها ...و اجفوف الحسن و حسين تشبكها
باب الخاف منها الريح يطبقها ...يجيها الخان دينه بناره يحرقها
حرق باب نبي الدين حماها ...قتل روح رضه الله برضاها
نسه اشلون غضب يوم حسابي
لون حاضر محمد بالجره و شفته ...و إبني اشلون ايدين الثاني قاتلته
و الله يموت قبلي و يحمي منزلته ...و لا يقبل محمد تنضرب بنته
لون شاف ضرب سوط بيديهم ...قسم جان رفع سيف عليهم
و لا جان يمسون ثيابي
رغم كل الجرالي و ما خلص صبري ...و لا خليت حيدر يعرف بكسري
لمن غسلني بيده وودعت عمري ...دفني و ما عرف كل واحد بقبري
يبو حسين قلت هاي وصيتي ...فلا ريد بشر خان قضيتي
و لا ريد يمرون ترابي
عله أصحاب السقيفه ايضل غضب بيه ...و أحاسبهم حساب الخان باريه
أبد ما خلوا الهلدين قدسيه ...زرعوا بالرساله أفكار يتيميه
هالأفكار بقت هاي مخالب ...عله الدين يضلون نواصب
و الإسلام لبس ثوب وهابي |
|
