لا   تكشف   اتراب   الحزن   و  اتهيج   النار تصحه  الجروح  و  لو  صحت  يجويها  مسمار و     ايصير    الصبر...أقسه    امن     الجمر يقولون    حبيب   الما   تشوفه   العين    تنساه يكذبون  أنا  الما  شفته  بس  أبجي اعله  فرقاه بالجروح    إذا    عني    ابتعد   بالخاطر   ألقاه و الحسين جذب من قال أعوفه او ممكن أنساه جرني   الهوه  الحضرت  علي  و  دمعي  أسيله بلكت      يخبرني     علي     ابحالة      خليله مرات       العذر...أقسه      امن       الجمر يكرار   عله   ابساط   الصبر  أفرش   جراحي و  أناديك  سكوتك  عاصفه و يكسر  جناحي تمنيت   تجاوبني   و   أطق  راحي  اعله   راحي سلامات   أقلك   لو   قلت  مظلم   صباحي انت    امتحانك    بالصبر    و   الفايز    انته و   آنا   امتحاني   ابكلمتي  و  الدنيه   سكته و    السكته    اشكثر...أقسه    امن    الجمر يبو  احسين  دخيلك  بس  أريد  أسمع جوابك صدق  ذاك  فعلها  و  شبت  النار اعله  بابك يمهيوب    يصقار    الزلم    و   الكل    تهابك رحت   ليش   يالمغيم   و  لا  يمطر   سحابك جاوبني   ليش   أم   الحسن   صاحت   يفضه و    اسمك    يحيدر   بالشدد   الكل    تلفظه أعلم       بالأمر...أقسه       امن       الجمر عله   الآه  أنام  و  أصحه  و  لساني   ابذكرها أويلاه     أنا    ابكل    حايط    أتبع     أثرها يمسمار    علامك   طاوعت   ذاك    العصرها ألف  حيف  بدل  ما  تعترض  نمت   ابصدرها بكل  باب  أشوفن  بيه  ألم  من  عملة   الباب و   أسمع  علي  يندب  علي  بفراق  الأحباب لو     طال     العمر...أقسه     امن    الجمر من   الغار  إجه  ايقود  انقلاب  اعله   الحمامه دلالات   لقينه  و  قلنه  خل  تمشي   بسلامه وره   الباب  بده  ثاني  انقلاب  اعله   الكرامه القصد   جان  قضاء  اعله  النبوه  و   الإمامه ما   يقدر   ايضم   الشمس   جف    السقيفه مكتوبه     بعيون     العرش    حيدر    خليفه و     أعقاب    الغدر...أقسه    امن    الجمر يريدون   ينزلون   الكتاب   و   تصعد    أوثان علي  قال  إذا  يحجي  الفقار  ايسكت الآذان حرامات   طليق   إبليس   و   المقيود    قرآن علي   صاح   درجع  فاطمه  يا  عم   يسلمان صاحت   اتركوا  لي  علي  لو  أكشف   الراس آنا    الزجيه    و   دعوتي   مقبوله   يا    ناس طلعتها      الظهر...أقسه      امن       الجمر تصحون   جراح   الما   غفت   تنزف    طبعها صبح    ليل    أون   وونة   الزهره    أستمعها يهل  الناس  كسر  ضلع العرش كاسر  ضلعها لهل   يوم   نصيح   الثار  من  جف   الصفعها من    عرفت   اعيوني   الدمع   أنحب    عليها من     أسمع    آذان    الظهر    أسمع     بجيها دمع       الينتظر...أقسه      امن       الجمر