أضف الموضوع
الشاعر كرار حسين الكربلائي - 21/04/2015م - 2:17 ص | عدد القراء: 8855
يا بو صالح مر علينه... يبو صالح
جم علي راح امن ايدينه... يبو صالح
بالنجف طبروا علي ...و بالبقيع انسم علي
و برض سامره علي ...يبو صالح
دمعة اعتاب... تصيح ابناظري ...يشبل العسكري... عذبني هجرك
كافي الغياب... القدومك أرتجي...أريدك بس تجي... و أغفه اعله صدرك
ابتقصيري أعترف يبن الزجيه ...بذنوبي امغيب و كلها امن ايديه
أحلفك سيدي بدمعة رقيه ...ردت نظرة أبو منك إليه
أرد أشوفك يا حبيبي... أرد أشوفك
يا جرح قلبي و طبيبي ...أرد أشوفك
و أرد أخبرك يالولي ...و بالبقيع انسم علي
و برض سامره علي ...يبو صالح
جم علي راح ...هوه مثل النجم...علي و هذا الإسم... يجري بدمانه
جدك الطاح... بسجوده الدم نزف ...و بقت أرض النجف... موطن عزانه
علي و من صوبوا من عنده هامه...أحس طاح العرش ويه الإمامه
صفت كل شيعته بعده يتامه ...اعله ونه و نايحه الليل الننامه
هالله هالله ابهاليتامه ...هالله هالله
غايب و لا من علامه... هالله هالله
جم حزن ما ينجلي ...و بالبقيع انسم علي
و برض سامره علي ...يبو صالح
علي السجاد... علي ثاني مضه...شبيه المرتضه... ابحزنه و عذابه
و ابجفه ينقاد... و دمه اتصب رقبته...و يشاهد عمته... تبجي المصابه
علي السجاد أصعب نايباته...اقباله سلبوا حسين و بناته
يغطي اوجوه عماته بعباته ...عن لا تنظر اعليها الشماته
نشتكي لك هالمصايب... نشتكيلك
يا بو صالح و انت غايب... نشتكيلك
ابهالنوايب مبتلي ...و بالبقيع انسم علي
و برض سامره علي ...يبو صالح
علي الهادي ...علي ثالث رحل...خطف عمره الأجل... وينك يمهدي
ظل ينادي... مته يالمنتظر ...تعود امن السفر... قطعوا لي جبدي
اشوكت جفك يسل يالمهدي سيفه ...و يحز ارقاب كل أهل السقيفه
يغايب طاحت القبه الشريفه...غيور و ندري ثارك ما تعيفه
يبني وينك صوته ناده... يبني وينك
خصمك اعليه تماده... يبني وينك
القبري طب الجاهلي ...و بالبقيع انسم علي
و برض سامره علي ...يبو صالح
هبّت الريح ...مظلات الفتن ...و بعد يبن الحسن...عندك مصيبه
زينب اتصيح... دمع حزني يكت ...يعمه اليا وكت... أبقه غريبه
سامحني عتابي ايشيب الراس...إذا لا سامح الله القبه تنداس
سهله يا بو صالح تعتب الناس...بس اشلون إذا عاتبك عباس
إعتذاري قدميته ...إعتذاري
عاتبت بس ما نسيته... إعتذراي
فدوه لك آنه و علي ...و بالبقيع انسم علي
و برض سامره علي ...يبو صالح |
|
