أضف الموضوع
الشاعر كرار حسين الكربلائي - 18/09/2015م - 8:47 م | عدد القراء: 3890
شاء الباري...تشوف أنظاري...جسمك مفصول من الراس
تدري بوضعي...لوما ضلعي...صدرك ما بالخيل أنداس
أقطع جفه إليقطع نحرك...أمر الله وصار اللي صار
بهاي جفوفي أحفر قبرك...بس تدري لو ما البسمار
صدرك ما بالخيل إنداس
تبجي جروحي... وشاغت روحي ...لجف العباس المقطوع
الكافل إخته... لو حاضرته... أنطي إبدال اجفوفه اضلوع
عيني الحمرا فدوة لعينه...ولو موجودة افديله الروح
بيتين أنصب يم جفينه...بيت أحزاني وبيت النوح
لو ما متني ...اعيالك يبني ...ما توصل لخيمها اعداك
وإختك زينب... ما تتسلب... ولا ع التل توقف تنخاك
تدري بأمك لا ما تقبل... زينب تتجتف بحبال
أنصب روحي لزينب محمل... بس لا ينشاف الها خيال
واعيوني لزينب حراس
الكافل وينه... شفت سكينه... مجتوفة تصلي اعله النوق
ما تحجيلي... بس تبجيلي... وراوتني الثوب المحروق
وأم عبدالله تنادي اوليدي...اتلولي وتتخيل موجود
كون احميهن بس اشبيدي...هالمكتوب من المعبود
اشتتوقعني...اصبر يعني...برباة العز مسبيات
اشقد آذوهن...من وقفوهن...بديوان وبين الشمات
والعذبني بنتي رقية...أنظرها على اتراب تنام
شافت راسك المسبية...ي حسين وماتت بالشام
لما شبقت هناك الراس
اشما انطيها...ما اوافيها...الضحت لي بأربع شبان
إبدور انطتني...ومخجلتني...بس تبجي لك يا عطشان
وياها اتلاقى بيوم المحشر...من اطلب ثار الجفين
هاي الطيبة يابو الاكبر...بمصابك واستني سنين |
|
