أضف الموضوع
الشاعر السيد عبدالخالق المحنّه - 27/09/2015م - 4:18 م | عدد القراء: 6297
يحمل عاتقي...حب الأسبقِ...مو حب السقيفة
ما أغير قراري...حب حيدر شعاري
مسلم منشأي...واضح مبدأي...ما بايع أميه
شيعي و أفتخر...أرفض كل فكر...من هند و سميه
نسأل هل أته...عن اللافته...من يصلح خليفة
صاحت باختياري...حب حيدر شعاري
أرفض بالعلن...عباد الوثن...و الفكر اليزيدي
مو شيعي الرضخ...لو جلدي انسلخ...ما أخلي ايده بيدي
بيدي مرهفي...و بطوعه أكتفي...هالحرمة الشريفة
دستور الحواري...حب حيدر شعاري
لا تلمس طرف...آنا إبن الشرف...و الغيره ابجبيني
كلمة يا علي...انت الأولي...مرسومه اعله عيني
افهم مصدري...و انظر منحري...من يطفح نزيفه
ينطيك اختصاري...حب حيدر شعاري
وضحت غايتي...نادر رقبتي...لولاد الزجية
رغم الما رضه...تحيه الرافضه...تخسه الناصبية
يا طوعه ابشري...دمي حيدري...حيدر آني سيفه
بالدم انتصاري...حب حيدر شعاري
كُبرت لهفتي...صارت نظرتي...لأرض الغاضريه
مسلم و القمر...جن موت الحمر...لو هجموا سويه
لحسين أرتحل...قدامه أنجتل...لا ههيات أعيفه
مرفوض اعتذاري...حب حيدر شعاري
جالسيل أنحدر...لو أم الخدر...بالطف حشّمتني
أقلبها أنه...يسره و ميمنه...زينب شجّعتني
آنا المرجله...و أقلب كربله...صولات المخيفه
حته باحتضاري...حب حيدر شعاري
حكام الدهر...خل تاخذ عبر...من قصر الإمارة
ميدوم الظلم...بس لله الحكم...هاي الهم إشارة
آنا المنتصر...و الما يعتبر...يحسبها اعله كيفه
أحجي باقتداري...حب حيدر شعاري
آنا اتحررت...و الآن أصبحت...مأوه للحيارة
لو يرجع عدل...و الجرني ابحبل...ينظر للمنارة
شفيد الندم...أصبح بالعدم...مسودة الصحيفة
و اليحفظ وقاري...حب حيدر شعاري |
|
