يالتريد أحجي المصاب امن البدايه...لو بديت اشلون أوصلك للنهايه
هيه مو بس قصه وحده و أبتديها...مرت اعليه قصص يصعب حجيها
تشهد اعيوني الفلا بطل بجيها...خل تخبرك يا جرح أثّر عليها
من العيون القلب أكثر درايه...لو بديت اشلون أوصلك للنهايه
لا تقلي العندك أصعب يا مصيبه...حرق الخيام الوصل يمك لهيبه
لو مصيبة جثة حسين السليبه...من جروحك يا جرح ترهم له طيبه
و لا تقول أسأل بعد يو لا كفايه...لو بديت اشلون أوصلك للنهايه
انت هم شايف حرم ذبحوا زلمها...من بعد ما سلّبوا حرقوا خيمها
انت سامع هاشميه حد شتمها...و الأبو حيدر علي و البضعه أمها
من بعد ما طاحت انجوم الهدايه...لو بديت اشلون أوصلك للنهايه
ريتك اتشوف اليتامه الهاجموها...تشبه السرب الحمام امن اعتنوها
هذي تركض راحت الجثة أبوها...ذيك بيها النار تلهب ما طفوها
و الأشد من جدّموا ضعن السبايه...لو بديت اشلون أوصلك للنهايه
و المصيبه الليل من خيّم ظلامه...عمتي طلعت تدّور عاليتامه
اتقول اخويه حسين ما أكسر كلامه...قلت له خويه أطفالك ابخير و سلامه
شرد أقله و طشوا ابكل الثنايه...لو بديت اشلون أوصلك للنهايه
زينب اتقلي عليّ يصعب رحيلي...اشلون أروح و آني ما رحت الكفيلي
هوه قال اشما تريدين اعتنيلي...خويه لا تشكين لحد و اشتكيلي
اشلون أروح اعله الهزل و بلا رايه...لو بديت اشلون أوصلك للنهايه
نركب النوق الهزل من خبّرونه...هذا بلسان الشماته ايسب أبونه
ذاك يشعل بالقلب حسرة شجونه...مروا اعله الحومه عمداً من خذونه
عالرماح اتعلقت روس الضحايه...لو بديت اشلون أوصلك للنهايه
