صلّت اجروحي...نافلة روحي
قُربةً لِفاطمه
جرحي يتشافه بإسمها قلبي بيها ينتعش
فاطمه وردة محمد ثالث أسماء العرش
مخلص إلها و بالمحبة خدمتي ما بيها غش
منها توقيع الهوية كاتب بدمع الرمش
إسمي عالفطرة...خادم الزهرة
قُربةً لِفاطمه
أنمنع هيهات للحق صوتي لا ما ينقطع
آنا من الله خلقني غير قابل للمنع
جرحي من ينزف يأذن و بنزيفه ينسمع
من بعد اللهُ أكبر يا لثاراتِ الضلع
أكتب ابدمعي...ينكسر ضلعي
قُربةً لِفاطمه
الجان يتعده اعله حيدر عالمنابر بالخطب
و السلب حق الزجية الثار من عدهم قرب
دعوة أدعي فاطمية و حيدرية بالغضب
يا إلهي يا إلهي إلعن الشب الحطب
السبب الفتنه...انتقم منه
قُربةً لِفاطمه
راسخة صرخة ضميري بيها دلالي اعتكف
فاطمة امسجلتها ليه هيه عنوان الملف
وين ما وجهي أوجه بفاطمه قلبي هتف
للبقيع الكاظمية الكربله لو للنجف
ينخسف صدري...ينقطع نحري
قُربةً لِفاطمه
لازم المغذور ياخذ حقه من أهل الغدر
دعوة المظلوم دوماً عالظالم تنتصر
و الكسر للضلع بيده ضلعه لازم ينكسر
اشما يكن نوعه...نكسر اضلوعه
قُربةً لِفاطمه
من ضريح الوالي أرفع صوتي من كثر المحن
إنَّ بعدَ العُسرِ يُسرا كلمة ترجمها الزمن
يا إلهي رد أمانك و احفظ إلنه هالوطن
ابجاه طبرة راس حيدر و بضلع أم الحسن
دمعتي اترتل...بالفرج عجّل
قُربةً لِفاطمه
