فاطمه يا فاطمه...يا هبة رب السمه
نورج ايضوي الأرض...بالليالي المظلمه
طالعت هاي الرواية عن أمير المؤمنين
فاطمه الباري اجتباها ابمصحف الحق المبين
آية بإسم الحسن نزلت آية نزلت بالحسين
هالجليلة ابظهر أبوها كلمت طاها الأمين
و برحم أمها حجت...وي خديجة اتكلمت
قبس جانت بالنبض...بالليالي المظلمه
آية بت آية و عظيمة و أنجبت وتر و شفع
الله يلعن من ظلمها و الكسر منها ضلع
بين صرخات الكرامة و بين ثورات الدمع
هذا صوت امن الضماير للزجية يرتفع
و احنه دنيه و آخره...نبقه شيعة حيدره
ما سكت صوت الرفض...بالليالي المظلمه
عدنه صوت الضلع ثورة ايزلزل اعروش الطغاة
ثار يبقه اويانه شاهد بالحياة و بالممات
احنه ربتنه الزجية و علمتنه التضحيات
ساعة الماتت شهيدة سحقت اعله الموزمات
بس علي يبقه الولي...لا فتى إلا علي
ما يهمنه اليعترض...بالليالي المظلمه
فاطمه الضحت عمرها من أجل حق الإمام
تدري بأحفاد السقيفة تذبح اطيور السلام
صاحت ابوجه النواصب بعد يا عين التنام
عله ارقاب الناس ليش اتنصبت ولد الحرام
فاطمه ابذاك الزمن...حاربت أهل الفتن
اوياها حيدر ينتهض...بالليالي المظلمه
جانت اتوضح فكرها فاطمه ابذاك الزمان
ساعة الضحت عمرها اتريد للناس الأمان
يوم غصبوها الخلافة صدرت أول بيان
صاحت البايع ضميره بالوطن ماله مكان
هذا موقفها البتول...حيرة كل العقول
موقف اللي ينحفظ...بالليالي المظلمه
صاحت التاريخ لابد يبقه شاهد عاليصير
رغم أتباع السقيفة بس علي يبقه الأمير
كلمن يخالف إمامه باجر ابنار السعير
وش كبر حظه الينادي يا علي اوياك المصير
غيره حيدر غيرته...يشفع الكل شيعته
سيفه للحق ينتفض...بالليالي المظلمه
فاطمه ابصوت العقيدة رددت هذا النشيد
احنه أسياد الرسالة ما نبايع للعبيد
الله خصّانه ابكتابه هذا قرآن المجيد
صرح ابعترة محمد ما تمد للذلة إيد
احنه قربان الوفه...ترجمان العاطفه
احروف نور و تنلفظ...بالليالي المظلمه
