ام الـحـسن مظلومة .. ومن الفدك محرومة
تـفـت الـصخر حالتها .. يالوعة مصيبتها
ثـيـاب الـحـزن لـبست بنات الافكار
هـالـصـرخـة مـو صرخة بحور واشعار
هـالـصـرخـة مـن دلال يـتلاهب نار
مـتـصـوب عـلـى مصاب بنت المختار
صـرخة حزن نرفعها .. والدهر خل يسمعها
عـن فـاطـمة ومحنتها .. يالوعة مصيبتها
راحـت لابـوهـا واعـتـنـت يم گبره
تـصـيـح بـدمـع يـابـوية انا الزهرة
ضـلـعـي انـهـشم وبگلبي تسعر جمرة
امـتـك خـانـت وغـدرت بـالـعترة
بصوت المصيبة تنادي .. يم گبر ابوها الهادي
تـبچي وتـهـل دمعتها .. يالوعة مصيبتها
الـوادم يـبـويـة لـمـهـجـتي اذوها
يـالـهـادي واحگوك الـفـدك غصبوها
بـاب الـنـبـوة بـنـارهـم حرگوها
وعـيـونـي حـتـى مـن الدمع منعوها
يـاريت حاضر يمي .. تشاركني حزني وهمي
روحـي افگدت عـزتها .. يالوعة مصيبتها
عگبـك يـبـويـة الگوم هجموا عالدار
وانـكـسـر ضـلـعي وشبوا الدار بنار
مـحـسـن وگع وبـصدري نابت بسمار
هـذا الـجـرالـي بـغـيـبـتك يالمختار
انـحب واهل العبرة .. لو تنشد على الزهرة
مـاراقـبـوا حـرمتها .. يالوعة مصيبتها
ريـتـك چنـت حـاضـر وتـسمع وني
نـاديـت لـمـن طـاح مـحـسـن مني
يـافـضـة يـافـضـة الـمـحن صابني
مـحـسـن وگع والـدهـر خـيب ظني
بـيـمن بعد اترجى .. ماظل صبر لا مهجة
والـمـهـجة من لوعتها .. يالوعة مصيبتها
وانـطـوت هـذا الـيـوم صفحة عمري
جـيـتـك يـبـويـة ومـلتقانة بگبري
وبـعـيـنـك تـشـاهد صوابي وكسري
والاثـر لـلـبـسـمـار بـعده بصدري
من كثر وني ونوحي .. ملت وجزعت روحي
روحـي الـمـحن صابتها .. يالوعة مصيبتها
جـيـتـك يـبـويـة وصوبوا مني الروح
حـانـت وفـاتـي وسـكن بركان النوح
يـمـك لـفـيـت وجـبت وياية جروح
يـرويـلـك الاخـبـار دمـعي المسفوح
جـور الـدهر عانيته .. حتى الگبر اخفيته
مـن دنـيـتي وسطوتها .. يالوعة مصيبتها |
