قوم شوف الفرقد إمهدمينها...ليش يبن العسكري امخلينها

ننخاك يا مهدينه...بحماك يا مهدينه

صيح ثارك يا أمل كل الوجود...من غيابك يمته الدارك تعود

طحنه ما بين النواصب و اليهود...و رايتك شيعة علي امعلينها

ننتظر جفك يبن خير الوره...راية العباس سبع القنطره

دار جدك ليش تبقه امأسره...مثل زينب عمتك سابينها

ندري ياذيك العتب يبن الحسن...لاجن اعله اجروحك اينوح الوطن

يمته صوتك يكسر اقيود الزمن...غيبتك طالت علينه اسنينها

يمته تسرج خيلك الطف كربله...و تروي شوق اقلوبنه الممحله او الهامله

هذا يومك يا شبل عقد الوله...يمك اعهود الشرف ماضينها

بيك محتارين يالصبرك عجيب...يا مسيه و تطلب ابثار الغريب

من تجرد سيفك اجروحك تطيب...و لجلك ادروب الخطر ماشينها

لا يأخرك ليل يبن المرتضه...و انت تدري ابشيعتك الفضه

إيد وحده اوياك تبقه الرافضه...و ظلت اربيه اعله دربك عينها