لبن لبن يا لبن من هاللبن غذاني...ذكرك ياحماي الجار مايمل منه لساني
حب الوصي عزي وفلا بيه ذله...واللي يحبه عاشره ولاتمله
والمايحب حيدر انهره وقله...نارك عليَّ لا تعم وابعد خاف تبلاني
يالمحب منكر ليك من يتعنه...حامي الحمى يلفي ويخلصك منه
حيدر يقله رد ياىمنكر عنه...لاتمر هذي اندفن يمي وصار جيراني
مايمل اسمك يبو حسين لساني...وانت الذي ميت عدل تحماني
وانت القلت للحارث الهمداني...ياحار همدان اعتقد كل من مات يراني
من ليث الحيدر بالمجارم منعوت...يونس بجاها سلم من بطن الحوت
يالله انت الوصي وقت الموت...واعتقد حماي الجار كل وقت ما ينساني
يا رب على حب الوصي ميتني...وعلى الصراط برحمتك ثبتني
لاعذب الله امي الرضعتني...شربت محبة حيدر من هاللبن غذاني
مثل الشهد حامي الحميه حبه...واللي شرب منه تنّور قلبه
من حب علي الله سقاني شربه...سكران بيها للحشر ما انتبه خلاني
مدحك ياحيدر واسع و شرحه يطول...والغيرك ايصير المدح مو معقول
فضلك يا حماي الحمه الله يقول...يابا الحسن انت كلامي الناطق و قراني
دنياي آذتني وصرت مو مرتاح...بالآه والونه العمر مني راح
بستان ما عندي ولاني فلاح...لاجن مدح حيدر صار فلاحتي وبستاني
اكبر فلاحه هاي واكبر بستان...واكبر تجاره المحب بيها ربحان
حبك ياحماي الحميه ايمان...والحمدلله الذي تمم بيك ايماني
بقلبي جرح يابا الحسن مايبره...وارد اشتجيلك منه واجري العبره
ليش ابنك ابسيفه الشمر حز نحره...عطشان طفله ذبحوه قل للرضيع شجاني
