آنا شيعي و حيدره واليته...ابعالم الدر هالإسم حبيته
آنا شيعي آنا و أفتخر بين المله...و اليحب حيدر علي فاز و عله
هوه أعذب ماي مايه و منهله...علي و بيت الله المكرم بيته
آنا شيعي و أصرخ ابهذا النداء...آنا جندي و أظل للمذهب فداء
هوه يجري ابدمي يا ناس الولاء...حبلي ابحبل الوصي شّديته
آنا شيعي امبايع الآل النبي...قلبي كل دقاته ينبض يا علي
هوه قرآن الله و الحق الجلي...علي ابكل شده التمر ناديته
آنا شيعي و من أجي ابيوم الحساب...النور يسطع ماخذ باليمنه الكتاب
أمشي للجنه ابفخر و أدخل الباب...هوه بابك يا علي طبيته
آنا منكر ما يهمني و لا نكير...لا يهمني بالحشر ذاك النفير
عالصراط ابفخر للجنه أسير...ابجبهتي مكتوب اسمك يالأمير
و الدليل اسمك علي الخطيته
آنا شيعي و خل يسمعوني الأرجاس...ما يهمنه القتل لو قطعت الراس
احنه كلما هدموا يقوه الأساس...الموت من أجلك علي يا ريته
آنا إبني امن المهد يحجي اوياي...ايقلي أمي امن اطلقت رجفت اعضاي
قلت له صاحت يا علي و لن انت جاي...قال هذا أحله اسم سمعيته
