واجب انعزي الرضه و معصومه...بالجنازة اللي قضت مسمومه

مسموم يا سيدي...مظلوم يا سيدي

اليوم نرفع تعزية ابهذا المصاب...للرضه و معصومة الجرعوا عذاب

بعد سجن الكاظم و طول الغياب...نار سمه بالجبد مضرومه

خل تنوح اليوم كل الرافضه...بالسجن مسموم مات أبو الرضه

ساقه بقيود الحديد امرضرضه...و هالجنازة ابيا جرم محكومه

انعزي بنته فاطمه وأمه البتول...انعزي حيدر والده و جده الرسول

حزنه صار اسنين باقي و ما يزول...جنه مات اليوم موش بيومه

اليوم أملاك السمه تعلن حداد...اليوم حته العرش متغطي بسواد

ابلا ذنب مسموم ابن خير العباد...اليوم حزنت بالسماء انجومه

حقي من أنصب مواكب للحزن...حقي لو للموت عالكاظم أون

عالخلص كل عمره مظلوم بسجن...و شيعته تنحب عليه مهمومه

نعتنيله ازحوف موش اعله الجدم...نقصد الراعي المكارم و الشيم

نوصل الشبابجه و نصيح بألم...يمته غايبكم تزول اغيومه