غالي يحيدر غالي...بس انت تبقه الوالي
أول علي أول...غيره فلا نقبل
غالي يحيدر غالي
من فتشت عيني لقت اسمك ضواها
شفت البشر كلها أرض هوه سماها
من الحياة اتنفست أصبح هواها
و حته شراييني غدت ينبض دماها
صوت المحب هلهل...غيره فلا نقبل
غالي يحيدر غالي
حبه مثل ماي السمه بل حبه أطهر
بيه آمنت و اتطمأنت بحسابي يحضر
حبه الصراط و ما يخلي روحي تعثر
و ما أعطش ابيوم الضمه و اجفوفه كوثر
عن المحبه اسأل...غيره فلا نقبل
غالي يحيدر غالي
رخصت املوك ابكل زمن بس هوه يغله
من آدم اليومك فلا مخلوق مثله
بالدنيه طلاب العدل صار اسمه قبله
و أكفر ابكل دين الذي ميوالي أهله
الوجه المجد قبّل...غيره فلا نقبل
غالي يحيدر غالي
حيدر الصديق الذ قدسية ذاته
حيدر الفاروق المشت عالحق حياته
و هوه ابو النورين و تره دني سماته
و كاذب البيهن يدعي ودني صفاته
يبقه علي أفضل...غيره فلا نقبل
غالي يحيدر غالي
