قال أبو اليمه الولي...لو ألف مولود إلي
بس أسميهم علي
شيعتي يهل الوفه يا من تودوني...بإبني هاي الأمسيه جيتوا تهنوني
لا تنشدوني إعله إسمه لا تنشدوني...آنه سميته علي و قرة به إعيوني
فرحتي بيه إكملت...كل الهموم إنجلت
بإسمه صوتي يعتلي...بس أسميهم علي
هذا إبني إبمولده كل حزنه يتواره...مني يا أهل الوفه متفرعه أنواره
هسه نادتني البشاره البشاره...علي إسمه و هالإسم رب السمه إختاره
الخالق و رب العلم...إختار إله هذا الإسم
و هالإسم فضله جلي...بس أسميهم علي
شيعتي يا شيعتي يالهمتوا إبودي...تسعه أيمه لي ولد آخرهم المهدي
الليله بالسجاد أفرح و إكتمل سعدي...هذا أول عترتي و الحجه من بعدي
أول أولادي الغرر...نوره يسطع بالدهر
علم و حكمه ممتلي...بس أسميهم علي
إشقد آنه علي كل ساعه بلساني...هالإسم أحله إسم ما هو إسم ثاني
شيعتي إتسمعون مني صوت وجداني...لا تسمو إلا علي لو ردتوا رضواني
هالإسم نور و هده...آدم إبفضله إهتده
و بيه ينجه المبتلي...بس أسميهم علي
