آمـنّـه بـحـبـك يـحـسـيـن ..... انـت الـمـنـقذ دنيه ودين انـطـبّـق  أمـرك  ..... نكشف سرك....واحنه ابفكرك.....  ملتزمين عـن مـعـرفه وسابق علم ..... ابهمه وعزم ..... ابخطك الواضح  نلتزم نـعـايـشـك  روحين بجسم ..... ما ننقسم ..... وياك صار النه  اسم انـبـايعك  يا  تاج العلم ..... حرب وسلم ..... ابعصمة كيانك نعتصم يــمـغـذي نـفـوس الأحـرار ..... هـمـه واقـدام  وإيـثـار عـفـنـه الـمـظهر..... خذنه الجوهر.....وبهالمصدر .....  متمسكين لـلـنـاس  نـعلن غايتك ..... من فكرتك ..... نشرح مبادئ  نهضتك سـيـرة مـحـمـد سـيرتك..... يالثورتك ..... حفظت كرامة أمتك نـرفـض الـناس الخانتك ..... و مانصرتك ..... خانت وعافت  بيعتك نـرفـض مـا نـقـبـل كـل نـاس ..... مـا تـملك ذرة إحساس نـقـضـت  عـهدك ..... وكَفت ضدك.....أمة جدك .....  محسوبين نـنـطـي الـحـقيقه الهادفه ..... عن معرفه ..... والبشر كلمن موقفه أمـة الـمـا تـحـمل وفه ..... وحسن الصفه ..... منها بريء المصطفه اتـقـابـل  وفـاءك بـالجفه ..... وتخالفه ..... اتشوف العدل  واتحرفه عـافـت هـديـك والآثـار ..... وانـجـرفـت ويـه  الـتـيـار بـمـوقـف حـاسـم ..... نرفض وادم .....ويه الظالم ..... منجرفين لـلـبـيـعـه هيّه الطالبت ..... واترقبت ..... وهيّه البدت  والكاتبت لـيـش الأمـور اتـقلبت..... واشحسبت ..... عالعهد واحد ما  ثبت آل  وبـنـيـن اتـكـالبت ..... واتحزبت..... لحرب الطفوف  اتوثبت خـل نـسـألـهـم شـنـهـو الـصـار ..... واشغير ذيج  الأفكار خـل  انـتـابـع  ..... حـكـم الواقع .....وبيا دافع  .....مدفوعين هـالناس  واقعها انعرف ..... شفنه الهدف ..... اطماع والمخفي  انكشف بـاعت الجوهر بالصدف ..... حيف ووسف ..... هالناس واقعها  اختلف وانته أعلنت ثورة شرف ..... بيها اعترف ..... كل مخلص وبسمك  هتف واحـنـه الأمـه الـبـايـعـنـاك ..... نـحـيـا انوت اوياك اوياك انـتـه  الـنـاقـذ ..... أمـرك نافذ..... واحنه الناخذ ..... هالتبيين صـرخـتك  ظلت بالدهر ..... تمنح عبر ..... دمك على السيف  انتصر هالصرخه من جوف النحر ..... تحيي البشر ..... من عدها كل مخفي ظهر مـنـك  بـيـان  اللي صدر ..... نال الظفر..... وبكل الأرجاء انتشر إعـلانـك بـالـدم مـكـتـوب ..... كـل قـائـد يحمل  اسلوب بـهـذا الـحـافـز ..... انته الفائز .....لنصرك حارز ..... عن تمكين مـن مثلك ابحجر الأجل ..... ظامي انجتل ..... ومن العطش جبدك  ذبل عن  جسمك الراس انفصل ..... فوكَ الأسل ..... راسك يبو اليمه  انحمل هـالـراس  كـوكب للأمل ..... يمحي الجهل ..... وبذروة العزة اتصل راسـك رتّـل بـالآيـات ..... شـحـنـه وتـحـريـك لكل ذات وسـط الـمذبح ..... دمك يسفح.....واصبح ينضح ..... من كل عين