وصية من أم الوفه و عبر السنين...اتقول لا تنسون خدام الحسين

خادم و ممنون يا أم البنين...نذكر الخادم و فضل إحسانه

جنت ألطم و الصده بأذني يصيح...من المقابر ودته اجفوف الذبيح

ايقلي بدموع الحزن شيد ضريح...للخدمنه و ظل عمر ويانه

و ذكراني ابكل رواديد الزمان...النصبوا المأتم علينه بكل مكان

و اللي كتبوا عنه بأقلام الأمان...و خلوا إدموع الحبر عطشانه

صوت عبدالزهرة عنوان الشرف...من قره المقتل و ما خاف و رجف

و صوت سيد جعفر الهز النجف...و المقّرم مقتله بعنوانه

آنا أسمعهم و أون آه و حنان...و أسمع العبود غفلة بكل زمان

و أسمع الفتلاوي ويه الترجمان...و كاظم المنظور دم بجّانه

القابجي انون بونينه أحنه الضلع...زينب الليلة قراها اويه الدمع

و صوت عبدالرضه صار إلنه شمع...بالنجف و اختلط ويه إدمانه

و هادي القصاب ظل شعره سلام...مثل نظم الشرع يحجي اويه الإمام

و عبدالحسين الحجه ابلايه كلام...و جاوبه ابصوت الحزن مولانه

و مثل حمزة اليوم حق من نذكره...ابقلي يالميمون صهوة منبره

و يمه ذكريني عزف بيها و قره...خل نعيد اليوم كل ألحانه

و ملا عبد محمد الشيخ الخطيب...الروحي أطواره مثل وصفت طبيب

وي هنيئاً شابه بوجه الحبيب...و ظل يرف بصوت طور ألوانه

روحي تنعه اليوم الله يعينها...تريد تنعه ويه وطن بونينها

من عله التل تهل دمعة عينها...قالها و عله بعدن بنيانه

و صوت ياسين الرميثي بكربلاء...السوه يحسين بضمايرنه نداء

صاروا انجوم الأرض بس بالسماء...و داروا الكون و رجف سكانه

و لازم اليوم الجهاد انقدمه...و نذكر أصحاب اليقين ابملحمه

بالدماء الحسينية اميممه...بسبعة و السبعين ظل نيشانه