بعيوني ما شوف الضوه...و يتعوض ابيش الهوه...يخوية

كلما أذكرك أختنق...و الحيرة طبع اليفترق...يخوية

يريت اقبال مهرك تركض اسنيني...و يصد اسهامهم عنك جفن عيني

أحلفك قبلما تمشي و تخليني...ترد لخيامي لو رايد ترويني

تروي اليتامة بجربتك...بس آنا أروى برجعتك...يخوية

لو ناوي ما ترجع إلي...حاجيني يا ضنوة علي...يخوية

كل اللي يروح انعوضه بالتالي...يا حيف الأخو من ينفقد غالي

آه يالماي أخذ من عندي آمالي...يتيمة خوه بعدك يالقمر حالي

نزلت دمعتي و دمعتك...و اعيوني تبعت رايت...يخوية

تذكر يعباس الوعد...لتقلي ما ترجع بعد...يخوية

عطشانة و لهيب النار بظنوني...و لا قلت لك أريد الماي يعيوني

أخافن ما ترد و اعداك يولوني...لهيب اسياطهم ما يرحم امتوني

باجر النار بكل كتر...يوصل عدوك للخدر ...يخوية

و أحتار أطفي بالخيم...لو أجمع أيتام و حرم...يخوية

صوتك سمعته و دورت وينك...من قطعوا غدر يا خويه جفينك

السهم دور الغيرة و شافها بعينك...أخوك انكسر ظهره و انحنه حسينك

و اليمشي مكسور الظهر...بعيونه ميشوف النهر...يخوية

من القهر قام ووقع...لمن ألم صوتك سمع...يخوية 

رجع لي و من سألته عالقمر وينه...رقية من العطش تنتظره و اسكينه

عمود الخيمة جره ودمعّت عينه...و أشوفه احتار أخوي و محد ايعينه

تقبل يعباس الأمر...يسحق على صدره الشمر...يخوية

من القفه يحز منحره...و الخيل صدره اتكسره...يخوية