قميص الرد نظر يعقوب يا ريته...بيدي و راسك اعله الجسد رديته
أرد جسمك الراسك و أمسح ادموعك...و اقص رجلين خيل الداست اضلوعك
قمت بيدي اعله قبرك أعلق اشموعك...و تعلق فوق قبري الشمع ظنيته
انت الجنت بيدك تعدل احجابي...و لا خليت ريحي يدق عليّ بابي
أذكر ريحتك من تلزم اثيابي...بيك أرباتعطش معصوم شمّيته
رحت يم جفك المقطوع قبّلته...و شفت الموت يا عباس من شفته
حرك لي الأصابع من عرفتني اخته...و جفي بجفك المقطوع خلّيته
من شافك ذبيح حسين عالمصرع...روحه اوياك طلعت قبل لا تطلع
صاح القمر غاب و بعد ما يرجع...و بيدي المذبح التوحيد وديته
أول مرة أشوف حسين يتكدر...ضرب فوق العمامة و صاح يا حيدر
عدل لو باقي عالعباس جا طبر...و يطبر راسه حقه الينهجم بيته
كون اسهام عينك كلهن بعيني...و لون ترهم جفوف أنطيك جفيني
اشلون انطاك قلبك ما تحاجيني...عليك الحجر يا عباس بجّيته
يا عباس بالعباس حلفّتك...عليك بداعة اختك لا تعوف اختك
من شفتك بغير اجفوف سامحتك...يخويه و العتب وياك سنّيته
صوته من الشريعة جن يحاجيها...متت بالمستحة و مو بيدي أعاديها
الجربة بغير ماي اشلون أرد بيها...وي جربة اسكينه العمر بّديته
