صاحت أخت القمر...من إجه المنتظر

لوانه...أمانه...ينتظر عالنهر

هذا بو صالح إجه يم الغريبة

من وصل للشام ما بطل نحيبه

عظم الباري أجرنه ابهالمصيبة

عمه يا زينب تره الطلعة قريبة

هية و ابن الحسن...التقوا بالصحن

تخبره...تذكره...يا لِثار النحر

عمه يالمهدي أسولفلك مصايب

و آنا باللطف و ألهج باسمك يغايب

من أبو اليمه وقع شفت العجايب

لا أهل ظلت و لا ظلت قرايب

لو تشوف الخيم...وجت اعله الحرم

إجونه...ولونه...صحنه وين المفر

من وقع من المهر جدك إجيته

شفته من دم جبهته ايخضب لحيته

و انخمش قلب الشمر يمه لقيته

أدري بالعباس ميت بس نخيته

آني أم الخدر...بس دفعني الشمر

دفعني...و صفعني...و انت عندك خبر

من رفس صدره الشمر طاح اعله ظهره

و اثنعش طبره عدل طبره اعله طبره

ويلي و اتربع يعمه فوق صدره

إي يمهدي من القفه ظل يحز نحره

نحر أخويه انقطع...و آنا قلبي انشلع

تسّلب...تعذّب...حته اصبعه انبتر

وجه إبن جوشن يبو صالح رهبني

سوطه بيده وواقف اقبالي و يسبني

جنت أحس متني وقع لمن ضربني

عمه نفذ غايته و بيده سلبني

قلي وين اخوتج...من جرت دمعتج

سبية...بيدية...إلا أشبعج قهر

من عقب عباس أبو الغيرة انولينه

هذا تاليها الشمر يحدي الضعينه

من ركبنه اعله الهزل مجتوفة ايدينه

و المصيبة الوادم اتباوع علينه

و الحراير صعب...تغفه يم الغرب

سهاره...حياره...ما غفينه بسفر

دخلت الديوان مو سهله عليه

اوقف اقبال العدو و مجتوفة ايديه

لن يزيد ايصيح جيبولي السبية

ها يبت حيدر وقعتي ابين إيديه

راس أخويه ابطشت...و آني شفته و صحت

جرحني...ذبحني...و العصه اعله الثغر

عمه يالمهدي مته تاخذ لي ثاري

تاخذ بثار البقه عالغبره عاري

آني أنطر طلعتك ليلي و نهاري

وين أبو صالح أصيح و دمعي جاري

عمه عالمشرعة...صارت الفاجعة

كفيلي...يويلي...من نخيته اعتذر