لولاك يا زين العابدين
«شيعتي»
(گعده)
سلطنة دين الرسول إبنهضة حسين
وأسرار الأحكام...وآثار ألإسلام
زين العباد إبصبره والعصمه حياها
* * *
خضت ببحور المعاني ولجج فاكرتي غصتها
جوهرة روح المعاني المتثمّن دورتها
درّه وإبتاج الديانه إتنور هالنهضه شفتها
بآثار هالنهضه إشعرت...يا صاح لو عنها تهت
إنبيك لو مني إنشدت...ولو ردت هاي المعاني الجوهريه
وهالنهضه التنـور...من يا سنى إتنور
بسيد السجاد إزهرت بهجة ضياها
* * *
إندار للتوحيد فكري وناظر ألإيمان شاهد
منهج التوحيد نوره يزهر بدعوة محمد
لاچن إبنهضة حسين الدعوه والمنهج تأيد
وتأييد هالنهضه الورع...من گلب صابر ما جزع
وصيوان هالنهضه إرتفع...فيّه إعله روس المچارم والمعالي
للنهضه برهان...أظهر بألأكوان
وزين العباد العمَّر وشيّد بناها
* * *
إندار للإيمان فكري وخاض للإيمان منهج
وشاهد إبدعوة محمد درس بيه الناس تنهج
إبنور هالنهضه كواكب وإبسمه الدعوه إتباهج
وتمّت النعمه الدايمه...إبنهضة البيها الغانمه
والنهضه من رب السمه...صدَّر إبحقها ألإراده السرمديه
تصديق ميعـاد...باللوح إرشاد
زين العباد إللي ختمها والمضاها
* * *
إندارت أفكاري البراسي للأمور العالميه
إبعين توفيقي شفتها إمرتبه إبنهضه سميه
وشمعة النهضه وجود الحمل جور الغاضريه
والحمل ثگل الجامعه...عنده ألأسرار إمودعه
راع الدهر ما روّعه...وباللوح نوره إنكتب من عالم الذر
بالصبر والبـاس...والحلم نبراس
يأيد النهضه ونور يتجله بسماها
* * *
شجرة النهضه غرزها حسين برياض الشهاده
بالدمع ساقاها عگبه الكمّل إفروض ألإراده
صُبر وإتحمل إو شارك والده إبجهده وجهاده
والمرض حيله نحله...ودمعة الغربه هامله
من اليسر والسلسله...ذوبت شحم الچبد جمرة إمصابه
بالحسـره وإلآه...يتنفس إحشاه
زين العباد الحكمة الباري إرتضاها
* * *
