وصية ألإمام زين العابدين لولده ألإمام الباقر عليهما السلام
«بحر الطويل»
(لطم)

يالبـاقر ينور العين هاك الدين وأسراره
سم إعداي چتالي وإبگلبك تشب ناره
* * *
سم إعداي چتالي يبني إو دوت نيرانه
وأنـه من كربله مصيوب گلبي إو روحي خلصانه
إو عيني ما تنام الليل وإعله الدين سهرانه
دينك يوليدي دينك...جاهد جهد تمكينك
إو خل تسهر عليه عينك
گلبي إتگطع الهالدين وإنته إتهنه بثمـاره
* * *
يالباقر وأسجّلك وصيـه إبدمعة إعيوني
تراني إبحالة ألإحضار لِم أهلك إيودعوني
لتكثرون الموادع أموت إبراحه خلوني
وأنه ممرود دلالي...فگدت إبكربله الغالي
إو سهم الطفل چتالي
آ يـا حرمله إشسويت رضيع إو صرت فجاره
* * *
أصدلك يا شباب الدين وأريد إبشوفك أتهنه
وأتذكر شباب حسين ألأكبر وأجـذب الونه
واشوف إبشوفتك جسّام معرس والدمه الحنه
هـذا النحّل إعظامي...إو ظل جفني عليه دامي
گضيت إبحزن أيامي
وديعه إمن الحسن عدنه علامـه إو يشع بنواره
* * *
يبني وإلحِـنه إضلوعي شفت إبكربله شوفه
عله الشاطي گمر هاشم رميه إمگطعه إچفوفه
ريت السهم صك عيني وأخذ شوفي گبل شوفه
هذا الهدّم أركاني...يسير إعداي خلاني
ريت ألأجل وافاني
إو لاشوف العلم والجود والچفين بكتاره
* * *
يالباقر لون مفجوع لفراگي إو تجر حسره
آنه إسبوطعش فتيان هاشم عفت عالغبره
ضحايه في سبيل ألله إو گلبي إتجلّد إبصبره
هـذا المنسحگ صدره...إو هذا المنگطع نحره
إو ذاك إجروح بي كثره
وأبويه منجرح گلبه إو روحه إبدمه تتجاره
* * *
شلي إبعمري خلص عمري گضيته بالنحب والنوح
إعظامي ترفس إبجسمي لو شافت رُفس مذبوح
إشسوت كربله إبحالي وإشخلت إبگلبي إجروح
شداوي يا جرح يا داي...علتي چامنه بحشاي
ألله إمن أشوف الماي
جسمي يرتعد يمه وأشوف إعضاي منهاره
* * *
مو من المـرض مدهوش أدهشتني صرخة ألأيتام
واليندهش لعياله يتساعد إو ما ينلام
إو جور الشفته بالكوفه أصعب علي من الشام
چم إصواب صوبني...شگفته بالصبر يبني
إو سهم الشامت الذبني
أو كل ساعه وأشوف الموت مجبل علي بخطاره
* * *
إو عالمغسل تشوف إشصار بيّه من تشاهدني
بعد ساعه إو گضه نحبي وعالقبله تمددني
إو تشوف إمن السلاسل صار أثـر وإبرگبتي مبني
وتشوف إشلـون لوعوني...إو أشاجف من يضربوني
إو تلگه ألأثر بمتوني
وإعكوز الرمح تلگاه بين إضلوعي آثاره
* * *