وفاة ألإمام السجاد عليه السلام
«العجز هجري + حسيناوي»
(لطم)
راح أبو البـاقر راح وإشجره إبحاله
والنوايب صابته سهم ماضي إو جرّاح
وإشجره إبحاله
* * *
غربته إتشيب الطفل ما مثلها إتصير...بالدهر غربه
لا عمـام إو لا نزل إو لا مجير إيجير...بس لطف ربه
محتسب صابر وجل عالعمام إيدير...عينه تتربه
فـرج ويأمن بيه راحت إعياله
لا رسول إو لا خبر...إو من دمه إسهام الدهر
لايج إو ما يرتاح...وإشجره إبحاله
* * *
آ يجمرة غربته إشلون لسّاعه...جمره من جمره
والشمـاته إبچبدته شفره گطاعه...ضيگت صدره
إو چان يحسب راحته إبساعة الطـاعه...للكفل أمره
والكفيل المعبود قبلة آمـاله
وأبو الباقر بالغرب...ولهله إيوجه الگلب
كل مسه إوكل مصباح...وإشجره إبحاله
* * *
يالتنادي إعله البعد يا علي بحمـاك...يحضر إيعينك
وإصغي إبسمع الرشد وإسمع إشينخـاك...يالمحب وينك
هاك چبدي المنمرد وخل يفت إحشـاك...وإتهمل عينك
دم مثل دمي إجروح عيني همّاله
إمن الدهر يا شيعتي...لو سمعتو إبغربتي
والملك حن إو نـاح...وإشجره إبحاله
* * *
نايبه إتصك نايبه إو عالغريب إتجور...چانت أيامه
وگلبه يشگفها إبإبـه والگلب مجمور...كثرة آلامه
والمصيبه الراتبه گوسها منشور...وصابت إسهامه
وصابته إمن المحتوم إصواب چتاله
إسهام دهره صابته...للعليل إبچبدته
إگطعت منها السبـاح...وإشجره إبحاله
* * *
إبمهجته إمن الطف مضت إسهام محدوده...من مرامي البين
إمردن روحه وإذبلت وردة إحدوده...وطفت نور العين
إسهام بالسم إنسگت إو عثّت إوجـوده...وألأشد سهمين
سهم البگلب حسين مـرد دلاله
والشمـاته الصابته...سهم ثاني إبچبدته
وظل يصك راح إبراح...وإشجره إبحاله
* * *
يا سميع السائله بالرسول إونور...وجهك الدايم
فاطمه إو عقد الوله إو بالجره إبعـاشور...وإنته بي عالم
إتأيد الدين وهله وتجبر المكسور...إو تحفظ السالم
والعمل للإسلام إتحسن أعماله
بالوصي إو جمع الكلم...إتأيد أربـاب العلم
وصيحت اليارب صـاح...وإشجره إبحاله
* * *
