صوتي يبقه معتلي يا مُحَمَّد يا علي
آنا شيعي و هذا صوتي من محمد غيرتي...و آنا بوجوه النواصب أبقه رافع رايتي
أنصر الدين ابمحبتي هو كل شي ابدنيتي...ريت كل صبح و مسية بقبره أعفر جبهتي
هذا حبي الأزلي...يا مُحَمَّد يا علي
يا عشق يوصل عشقنه يا كتاب ايفسره...شيعي و اليمشي بخطنه ايفوز دنيه و آخره
هذا منهجنه الرسالي احنه شيعة حيدرة...بين كل هاي المذاهب احنه نبقه الجوهرة
آنا ديني و منهلي...يا مُحَمَّد يا علي
ما يمنعون التحدي تبقه جلمات الوفه...هذا مبدأئنه و هدفنه مو جدال و عاطفة
لو نموت ابكل دقيقة ما نعوف المصطفه...صرخة القائم المهدي للجرح تصبح شفه
للحبيب الأولي...يا مُحَمَّد يا علي
ما تمر بينه الليالي تنطوي أيام و سنين...تبقه غايتنه السماحة مو مثلهم عدنه دين
من يذبحونه الأعادي يصرخ الدم يا حسين...ويه بن سيد البرية للشهادة اموقعين
بينه خصمك يبتلي...يا مُحَمَّد يا علي
خل تلوم الناس بينه خل تعادينه البشر...عدنه يبقه حسين قائد فجّر الثورة بنحر
أمس جم حجاج حاول يمحي ذكره و ما قدر...وين ابن مرجانة صار ووين ابن فارس مضر
نهتف الأعظم ولي...يا مُحَمَّد يا علي
حسين قربان النبوة واقع الدنيه يقول...لأن كل قطرة نزفها جانت اتمثل الرسول
عالترب مصحف محمد هشّمت صدره الخيول...كربله قاع المصايب حيّرت كل العقول
و النصر واضح جلي...يا مُحَمَّد يا علي
هاي آخر كلمة مني خل تسمعها الطغاة...ندري ليش حسين بالطف ما شرب ماي الفرات
مات عطشان أبو اليمة حته يروينه الحياة...جينه نصرخ يا محمد شيعته اليوم الممات
يمته همنه ينجلي...يا مُحَمَّد يا علي
