يا بقيع الأحزان ما ننسه ثاره

رايتنه وحده و ما تطيح الراية...و الشيعة للمهدي تظل وفّاية

نتعنه لتراب البقيع الغاية...نوصلها ويه المنتظر مشّاية

بيده راية عباس كهف الغيارة

شيعة احنه و بغيرة علي انتخينه...ثار المراقد و الله ما نسينه

هيهات أحفاد الشمر تلهينه...صك العشق من عابس اموقعينه

بالدمه و بالأرواح يرجع مزاره

كلشي المحمد و العلي قدّمنه...رغم اليضدنه و اليحلل دمنه

عباس عالحق و الشرف علّمنه...ميهمنه لو نخلص جتل ميهمنه

و اليحبكم للموت رافع شعاره

كل احنه نبقه اجنود للصميدة...أربع مراقد ما تظل بعيدة

كل من هدمها لابد انقص ايده...و اندوس راس الناصبة العنيدة

ما يظل بيد ايزيد حكم الإمارة

آنا الغيور و حيدر الربّاني...شيعي و حسيني و حب علي عنواني

أول إمام و ما أبايع ثاني...ما أعوفه لو عندكم ألف سفياني

حيدر الهذا اليوم شاهر فقاره

ما أعوفه حيدر للحشر ما أعوفه...قائد علي الكل الغيارة انشوفه

غصبن عله أصحاب السقيفة انطوفه...يسقينه باجر يا خلق بجفوفه

و بضمير الأيام نقره العبارة