صحره البقيع...بيكم ربيع
لو أنت لو ما ريد...مالكني و انت ابعيد
صحره البقيع...بيكم ربيع
وين ما ينزل جسدكم أخضر ايصير الرتاب
و الرود بالصحره يطلع و الحجر يصبح قباب
ما تظل يمكم عطاشه و ينقلب ماي السراب
و انت منهم و انت كلهم انت سر نور الكتاب
حبك جواب...يوم الحساب
يا مُلهم التوحيد...لو انت لو ما ريد
آنا ما حبيّت شخصك من أجل دنية الغرور
آنا حبيّتك لأنك منقذ بيوم النشور
لو يقطعوني و أصيرن وذر ببطون الطيور
أبد ما أترك خدمتك و أخدم أصحاب القصور
خادم ثراك...ديني برضاك
غيرك أبد ميفيد...لو انت لو ما ريد
ندري من هدموا مزارك ظاهروا بيك العداء
لأن شافوا نور قبتك بيها تتوضه السماء
و اليزورك بيك يشتم ريحت أصحاب الكساء
و أبد ما رادوا بقيعك مدد ثاني الكربلاء
ظنوا تزول...يبن البتول
و انت بشموخ اتزيد...لو انت لو ما ريد
احنه من نوصل ضريحك نوصل العرش العظيم
و من نزورك ندري نعبر عالصراط المستقيم
احنه ندري بريح قبرك هوه الرحمن الرحيم
يالحسن و بنور وجهك دار من نوره الكريم
بيك اكتمال...آية جلال
ترتيله و التجويد...لو انت لو ما ريد
لو خذت موقف مشابه ضدك من أهل الخصام
فسّرت علت حقدهم من دواعي الإنتقام
ألقه جف الضرب نعشك سيدي بحقد السهام
هوه نفسه الراح بالطف نار يشعل بالخيام
يوم الطفوف...نفس الجفوف
مدت عليكم إيد...لو انت لو ما ريد
ما أقول اشقد أحبك حته لا تحسدني عين
بيش أمدحك و انت ربك شرفك عالقبلتين
حته من أحلم بشخصك يا سليل الكوكبين
صوت يطلع من ضريحك يا لثارات الحسين
صوتك يصيح...ثار الذبيح
و أرض و سماء اتميد...لو انت لو ما ريد
بيه من أذكر مصابك يجمد الدم بالوريد
روحي تاخذني المحرم و أنهضم و ألعن يزيد
يالحسن لو انت حاضر من بقه حسينك وحيد
اشلون عندك قلب يصبر و برمح راس الشهيد
تنظر يسيل...دم الكفيل
فوق التراب الحيد...لو انت لو ما ريد
