من علي ادموع الخجل...صخرة طاحت من جبل

يقره بعيونج زعل...فاطمه

علي خجلان و دمعته بطرف عينه...اشلون ضربوا فاطمه و سيفه بيمينه

أمر نفسه احتار بيها و أمر دينه...كظم غيظه و سلّم السيف اليقينه

و احتمل نار الصبر...ما أخذ ثار الكسر

من قرب ليج الأجل...فاطمه

ودعج و ادموع أبو حسين اعله خده...وداع ما شاف الفرح فذ يوم بعده

هذا أمر الباري يدري و هذا وعده...بعدج ايعيش العمر مظلوم وحده

خده بدموعه ارتوه...بيته خالي من الضوه

مات ويّاج الأمل...فاطمه

من يريد ايشم عطر سيد البرية...من يريد ايشوف نور الله و نبيه

من يريد يعاين النفسه الأبية...يجي يشم اتراب قبرج يالزجية

يحضن اترابج علي...يصيح يا ريحة هلي

انتي يا نور الأزل...فاطمه

انتي روحه و بيج يتنفس هواها...انتي عينه و شمس لعيونه و ضواها

شمسه غابت و انطفه النور بسماها...نسه اجروحه و نار بابج ما نساها

يا علي و عاش الألم...بعدج و حيله انهدم

صبر لجلج و احتمل...فاطمه

ما بقت بعيونه من فرقاج دمعة...يا ونين أهل السمه السابع تسمعه

شمعه جنتي و ما بقت ليامه شمعه...ماي و اتطشر بعد يا هو اليجمعه

جرحج بروحه الجرح...صقر ظل ابلا جنح

يا فرج خير العمل...فاطمه

صاح زينب بوية يا زينب تعالي...حالج أرحم كونج اتشوفين حالي

آنا والي الناس بس ما عندي والي...بيتي من أم الحسن يا بوية خالي

أظلم و رب السمه...بيت ما بيه فاطمه

و الدمع نار و همل...فاطمه