غزل يمشي و حلم شمعه توج مره بزفافه...نبع صافي جفن غافي سحر قمرة او ترافه
زليخة اتذل أمامه...ملت عينه إبتسامه
من تنثرون الورد يربك جماله...قل أعوذُ تنقره بصفنت دلاله
نوره من شافه القمر ذب إستقاله...خل يلم ضيه القمر جاسم بذاله
إذا قسته بحسن يوسف أكو غلطة بقياسي...شمس تضوي بنهار الله و بعد قمرة أماسي
دعت أمه بسلامه...ملت عينه إبتسامه
تنظر السوح الحرب عينه و تغازل...هالله هالله و تبتسم يبن الفطاحل
رمله ليش ادموعج بهاي المفاحل...هذا مو وكت الدمع وكت الهلاهل
ذخر شيبج إجه يومه يرد تعب الليالي...إذا صار الثمن عمره يضحي و ما يبالي
بطل عاشق حسامه...ملت عينه إبتسامه
و المثل جاسم هوه الدنيه اشينفعه...و التزفيه للحرب راسج يرفعه
أدري سهم افراقه دلالج يقطّعه...و انتي حسبي روحته ما بيها رجعه
تره الحنه دمه نحره يزفونه لجنانه...لجن ثوب العرس هذا يظل يمج أمانة
شبل ينضح كرامة...ملت عينه إبتسامه
إذا جاسم وقع و يجيبه عمه...يرمله حنّي ايديج بمجره دمه
اسمحي الزينب اتقبله و تضمه...هية اتصيح عمه و انتي يُّمه
على وجهه دمه ينزل لجن زادت حلاته...دمع عمه عله اعيونه رسم لوحت حياته
فده روحه العمامه...ملت عينه إبتسامه
رادت الظلمة ضوه و انطاها نوره...حته هالشبان تستلهم شعوره
ها يشبان المهمات الغيورة...جاسم بسوح الشرف سجّل حضوره
يهل تفدي لجل أرضك لجل عرضك دماءك...تره جاسم يجي يمك يوج شمعة وفاءك
يحب البيه شهامه...ملت عينه إبتسامه
عادت التفقد ولد تفقد نظرها...من تشاهد صحبته تحني ظهرها
رمله بيها اشصار من فقدت ذخرها...أشبه بحال السمه فقدت قمرها
تون ظلت و لا ملّت أسيرة ابلايه والي...و لو مره أشوفنك يبعد أمك يغالي
إلي تارك علامه...ملت عينه إبتسامه
