بين الزفاف وموتي ناديت...يُمّه ذكريني
آخر وصية وبيها وصيت...يُمّه ذكريني

طبع الموت ما يتعامل بصدفة...ما يميز الناس الفقرة والترفه
عليّ مكتوب أموت وشمعتي تطفه...فاتحتي تصير بليلة الزفة
بعت العمر لحسين واشريت...دنيتي وديني
آخر وصية وبيها وصيت...يُمّه ذكريني

وصية الحسن هاي ببالي يا يُمّه...قال ابن الاخو يلزم ظهر عمه
أريد أدخل الحومة وراضي بالقسمة...وأبيّض وجه أبويَّ اقبال أبو اليمه
جريت سيفي واستعديت...موتي يرضيني
آخر وصية وبيها وصيت...يُمّه ذكريني

ييُمّه اشمالج اتعجنين بالحنة...بعد ساعة وتزفني الزهرة بالجنة
لا تبجين إفرحي مو وكت ونه...اليموت اويه الحسين اشبعد يتمنه
غير الشهادة ما تمنيت...وانتي تدريني
آخر وصية وبيها وصيت...يُمّه ذكريني

صينية شمع حنه وورود وياس...ما أختارهن وأختار رفعة راس
أريد السيف يشرب من دمه هالناس...وأراويهم اشخرجت تربية عباس
بلهفة العاشق للحرب جيت...قلبي بيميني
آخر وصية وبيها وصيت...يُمّه ذكريني

يُمّه اعليج تصعب ساعة الفرقة...زحمه ابلا ولد أم الولد تبقه
أشبقك شبقة الما كو بعد ملقه...يُمّه وشبقت الأم أحله كل شبقه
قبل هاليوم يا ريت...لا تودعيني
آخر وصية وبيها وصيت...يُمّه ذكريني

يُمّه وبن نفيل الأزدي متحزم...يسأل يمته جاسم للحرب يهجم
يطبرني اعله راسي نسل ابن ملجم...ويركض لي الحسين وقلبه متألم
يحملني ويرد بيه للبيت...يقبل اجبيني
آخر وصية وبيها وصيت...يُمّه ذكريني