يَا نَبْضًا لِإِحْسَاسَيْ...بِأَنْفَاسِي...هواكا
فَالْقَلْبُ وَ مَا يَهْوَى...وَ لَنْ يَهْوَى...سِوَاكَا
قَدْ عِشْتُ المآسي...فِي كُلِّ الْحَوَاسِي

أحاسيسي اتجاهك صعبه تتكتم...إذا أمسك لساني اعيوني تتكلم
يسهل وومتنع ياواضح و مبهم...يا باني ابكل شبر من الأرض مأتم
حواسي الخمسه مستشعر معاني الهم...اثنعش شهر بحياتي صايره امحرم
هَذَا نَزْفُ أحْزَانِي...بِشَرْيَانِي...شَجاكا
وَ النَّبْضُ صَدَى نذبِي...فَفِي قَلْبِي...عزاكا
وَقْعُ الْحُزْنِ قَاسِي...فِي كُلِّ الْحَوَاسِي

يمن لطف الله كله اتجله بألطافك...تظل حي أنت و المذبوح سيافك
أنا بعين البصيره اميز أوصافك...قبل لتشوفك العين القلب شافك
وحيد و شايل الكون اعله أجتافك...تروي الدنيه كلها و يابسه اشفافك
إِني دونَمَا رَيْنٍ...بِلَا عَيْنٍ...أَرَاكَا
تَدْعُو اللهَ بِالْخَطْبِ...فِيَا رَبِّي...رِضَاكَا
للهِ تُقَاسِي...فِي كُلِّ الْحَوَاسِي

يشب جانون بحشاي بألف جمره...حرارة قلبي تجوي اجهنم الحمره
بعدني اشما أزوره أشتنشق الذكره...أشم ريحت حرق من خيمه مستعره
بدخان امخيمك متبخره الحضره...بترابك ريحت التفاح منتشره
فَاحَ الْقَبْرُ بِالْعِطْرِ...شَدَى النَّحْرِ...شذاكا
يَذْكُو الطِّيبُ...وَ الْمِسْكُ كَمَا...يَذْكُو ثراكا
رَيْحَانٌ ب آسِ...فِي كُلِّ الْحَوَاسِي

مثل باقي الحواس بحسرتي ووني...السمع ماخذ نصيبه و شارك بحزني
أنا اشما حاولت أنسه الحصل لني...أريد أسمع ألا من ناصر بإذني
علي الأكبر أسمعه اينادي أدركني...وأسمعك من صحت آه يبني آه يبني
مِهْرَاقًا جَرَى دَمْعِي...فَفِي...سَمْعِي نِداكا
فَاِسْتَوْطَنْتَ مَأْسَاتِي...وَ آهَاتِي...صداكا
صَدَّعْتَ الرَّوَاسِي...فِي كُلِّ الْحَوَاسِي

أنا المتذوق إسمك بين وجداني...شفت طاريك يجبر بيه نُقصاني
يمن ذكرك ملح بجروحي غذاني...شربت ادموعي حته اشتدت أركاني
عله امصابك أحير اشلون سلواني...إذا لليوم حزنك طعمه بلساني
كُلُّ الْكَوْنِ بِالشَّجْوِ...بِمَا يَحْوِي...بَكاكا
حَتَّى دَمْعِيَّ الْجَارِي...بِهِ الْبَارِّي...حَبَاكا
بِالدَّمْعِ اِنْبِجَاسِي...فِي كُلِّ الْحَوَاسِي

شقول اشلون أكابر عالجرح و أنسه...حواسي الخمسه تبجي الخامس الخمسه
أنا الشايل حزن بيه حارت الخنسه...عشت أحزان قلبه حته باللمسه
أجيس الماي و أذكرعزته بنفسه...عشر ابحور بيده و بالعطش أمسه
ضَامٍ بِالْعَرَى تُمْسِي...وَ ذِي نَفْسِي...فِدَاكَا
كَيْفَ الْأرْضُ مَا سَاخَتْ...وَ قَدْ سَاحَتْ...دِماكا
يَا صَعْبَ الْمَرَاسِي...فِي كُلِّ الْحَوَاسِي

اشتريت من الله كلشي من بعت كلك...خلق حته الحواس الخمسه من أجلك
الشمس مهما توج ما توصل الظلك...رزق كل الوجود بمائدة فضلك
أنوح و يا حزن يحسين يوصل لك...العمر أقصر من السهم الذبح طفلك
عُمْرُ الدَّهْرِ لَا يَكْفِي...لِيَسْتَوْفِي...أَسَاكَا
إِنْ جَافَا مِنَ الضَّنْكِ...وَ لَمْ يَبْكِي...تَباكا
يَسْعَى كَيْ يُوَاسِي...فِي كُلِّ الْحَوَاسِي