يا حسين يا حسين...سيد العالم تظل
منك العالم تعلّم و الدليل...بمدرسة طفك عبرت المستحيل
ما رضيت الكربله اتدور بديل...قدمت كلشي و قلت لله قليل
الكرم الكرم...بيّن بوجهه الخجل
اهواي كتبوا عنك أرباب الشعر...لسه ما وصفوا من طفك شبر
آنه عمري اسيوف لو ردت أنشهر...بوجه كل احجاية تجرح بالخدر
حيدري حيدري...حيدري من الأزل
أنت قبل و ما وراء أرض الطفوف...لغة نحرك كسرت اعيون السيوف
طفك أكبر من مضامين الحروف...الما يحس بجروح قلبك ما يشوف
نظرتي نظرتي...ترسم أشواق و غزل
أنت فوق من المشاعر و الخيال...لا جواب اليحتويك و لا سؤال
لو قريت إسمك عله أطواد الجبال...كل كتر يتشظه من عالرمال
أعتقد أعتقد مصحف ايصدع الجبل
لو لا أنت ما كو بالدنيه سلام...لا أشوف براحته ايطير الحمام
يا إمامي و يا إمامي و يا إمام...آنا أصلي اعليك حته بالمنام
بيقضتي بيقضتي...أقره هذا المستهل
العالم بحضرة مصابك منذهل...ابكل مصيبة اهلال عاشورك يهل
احجايتي امن اسنين عن قول و فعل...ما أمل من الشعائر ما أمل
العزاء العزاء...شوكه بعيون الجهل
الما عرف طفك عليمن معتمد...من يموت أمنيته للدنيه يرد
ابحسره يبقه لو صدر أمر البعد...من جنانك يحلم ايشم الورد
ابكل مكان ابكل زمان...ادخيل يا خير العمل
