ملك الموت سيفه...خلاها اعله كيفه
يا حي الله الأكبر...يا حي الله الأكبر
مو اسطوره أحجيلك و لا أحجي حكايه...أروي عن فته من العرش نزلت له رايه
سيفه لو كشخ بالنايبه بوكت المنايه...عزرائيل يبقه يحسب اشقد الضحايه
عزرائيل ضيفه...خلاها اعله كيفه
يا حي الله الأكبر...يا حي الله الأكبر
قالوا للشمر الأكبر نزل واعلينه قادم...لف راسه و شرد للخيمه سوه روحه نايم
ايعادل ميت ألف يا ناس واحد بالهواشم...هوه الأسد ندري بيه يخلف بس ضياغم
للكرار طيفه...خلاها اعله كيفه
يا حي الله الأكبر...يا حي الله الأكبر
هندست الحرايب سيفه يرسم بالمخطط...صقر الغاضرية و عالفريسه بهجمته حط
جابه بكر ابن غانم هجم و الله تورط...بصف العلقمي سوه الأميه امن الدمه شط
بضرباته العنيفه...خلاها اعله كيفه
يا حي الله الأكبر...يا حي الله الأكبر
موسه الغاضريه صار سيفه صار عصّه...من خزرات عينه اهناك مات الجيش نصّه
طق الراس فوق الراس و القُصه اعله قُصّه...و اللي راد يشرد ما لقه للشرده فرصه
بسيفه المو شريفه...خلاها اعله كيفه
يا حي الله الأكبر...يا حي الله الأكبر
من درعه اليجي له يشمره صوب المعسكر...تيهو من جماله هذا الأكبر هذا حيدر
عض إيده ابن سعد و صاح من لونه تغيّر...نخلص من أبو فاضل يجي هالنوب الأكبر
بهجماته المخيفه...خلاها اعله كيفه
يا حي الله الأكبر...يا حي الله الأكبر
من يقاتل ايسمونه أستاذ الغياره...غاره تخلص و يرجع يعيد ابسيفه غاره
الما يعرفني الأكبر صاح يسأل عني جاره...اسمي جنة الله أمس و آنا هسه ناره
قالوا للخليفه...خلاها اعله كيفه
يا حي الله الأكبر...يا حي الله الأكبر
