صفاتي عباس ثاني...أزلزل الكوفه و آني...حيدري
أزّعل السيف و أزعل...يطوعه هيهات أنذل...حيدري
هاي فرصه أشتريها...دوم راسي يعله بيها
حيدري...حيدري
إليكم رسول حسين...متعله الحواجب عين...أناشد كتبكم وين...بديكم كتبتوها
سعر هالضماير بيش...غدرتوا بمحمد ليش...عليمن جمعتو الجيش...مواقف تعيدوها
صحيح الجيوش اهواي...حسبتوا أذل ابهاي...نسيتو الصميده اوياي...عجب ما حسبتوها
نسيتو صولات خيبر...أمثل اليوم حيدر...من زعل
عيونه سجيل تمطر...فقاره نصين يشطر...من زعل
هاي شده أحتويها...دوم راسي يعله بيها
حيدري...حيدري
يطوعه الجيوش اتريد...أصافح ايدين ايزيد...ولوني لأني اوحيد...خسو ما يذلوني
أباوع يمين اشمال...نساء بثياب ارجال...سيوف بجفوف أنذال...حقيقه و يجهلوني
بنينه و طبعهم فوس...عليهم جوادي ايدوس...شياطين أشوف الروس...محمد يشوفوني
يطوعه محتاج واهس...تراني ما شوف فارس...بالوغه
فصيلة الغيرة دمي...أغازل اليوم عمي...بالوغه
الموت مهره أعتليها...دوم راسي يعله بيها
حيدري...حيدري
سكوتي صفير إنذار...كلامي عواصف نار...هجومي مسافة ثار...أسجل بطولاتي
يمسلم مكارم نول...سكوت العساكر قول...كأنه علي و يصول...صريح بجواباتي
ضميري يقول ارتاح...أذاني أميري صاح...يمسلم قصرهم طاح...يحوبة معاناتي
يحامل حسين صدري...يلزمه عباس ظهري...من أنا
أشوف أبو حسين يهجم...أمامي و الحمزة يردم...من أنا
و المنية آنا أجيها...دوم راسي يعله بيها
حيدري...حيدري
عيون الحسين اوياي...أشوف الصحاري ماي...أشوف الطفوف بهاي...بداية مصايبنه
تريد السفارة احيود...تريد الشريعة ازنود...عطاشه تموت اورود...عرايس حرايبنه
مشيب المعارك شاب...بعدنه ليوث الغاب...تره احنه قلعنه الباب...افهموا عجايبنه
بعدنه بالحومة نزأر...و أبونه معروف بالكر...يا علي
بعدنه بس غيرة ننزف...بعدنه للموت نهتف...يا علي
وين باب القاليعيها...دوم راسي يعله بيها
حيدري...حيدري
لون يا حسين اهناك...سفير و كفيل اوياك...نجيب الشريعه و هاك...تقبّل تحياتي
الشريعة و قصرهم صار...يشبهن يمين ايسار...نقرر نموت أحرار...أوضح قراراتي
أطشهم بيديه ارماد...صواعق ثمود و عاد...دجيبوا مزيد أعداد...أجرب مهاراتي
إجاكم الموت الأحمر...إجاكم بريح صرصر...لا مفر
عليكم الباب ينسد...زلمكم اتريد مشرد...لا مفر
صوله للطف أبتديها...دوم راسي يعله بيها
حيدري...حيدري
أبد ما يضمني ليل...أخلي ظهرهم خيل...أذبهم حجارة بسيل...عذابي أراويهم
حكمهم سوالف يوم...حكمنه يشيعة ايدوم...مناير تغطي اغيوم...أذلهم و أبجّيهم
مزاري لفوق ايصير...قصرهم معالم بير...صفار القباب اينير...و أضيع أساميهم
منارة عالغيم تعله...ضريحي بالضيف هلّه...مرحبه
تراني بالباب ناطر...أنادي يالجيب زاير...مرحبه
روح للطف مر عليها...دوم راسي يعله بيها
حيدري...حيدري
جمعكم بدد و ايروح...خرقتوا سفينة نوح...جزاكم زهيق الروح...نتيجة جريرتكم
أوكر عليكم موت...أسجل بإذنكم صوت...قبل لا يفوت الفوت...افهموا عقبوتكم
دفعكم غرور إبليس...قياس الهلاك ايقيس...أجيكم و أنا عريس...زفافي هزيمتكم
أنزل الروس و أصعد...أشبها نيران و أبرد...و أبتسم
أفحط الخيل و أفزع...أضم الأكوان و أطلع...و أبتسم
هاك اسمع ما يليها...دوم راسي يعله بيها
حيدري...حيدري
