تحياتي و سلامي...معَ كل إحترامي
سجدت شكر أسجد...لِعالين المقامي
سلامي الصوت كل طفله اسألت وين أبو فاضل...سلامي للثواكل قبلما تصبح ثواكل
سلامي للعليلة و كل حجي أوراق الرسايل...سلام الرنة أجراس الهوادج و المحامل
سلامي ابهالمسيرة...عله العمه الجبيرة
زينب أم أخوها...المقصود بكلامي
سلامي المرض جون البلدرب بيكم يشافيه...سلامي الثوب عابس للعشق رايه يخليه
لإذن بن ظاهر السمعت تسلم زينب اعليه...للعصابه اللي شدها حسين للحر من يداويه
وهب سلّم حبيبه...عله اقلادة صليبه
و زهير السبحه بيده...مع باقي الأسامي
سلامي العلي الأكبر غار حراءَ المخيم...سلامي العطش قلبه و السلام بطعم زمزم
سلامي عله الدم النزل برموش المطهم...عله خاصرته من طرها الرمح و اتفايض الدم
التراب البيه توسد...الأبو بطوله تمدد
سلامي الصيحت أمه...بضماها و تنعه ضامي
سلامي للحسن يعبر مسافات الجزيرة...عله اوليده الرفع راسه و رفع راس العشيرة
بسبحة فاطمه القاسم أخذ بعيونه خيرة...محتاره لقاها يعني عمه بوسط حيرة
سلامي الثوب عرسه...قمر ما عاف شمسه
سلامي الكل دقيقة...وقف بيها يحامي
سلامي العمر عبدالله و ضحكته التخلو من صوت...الكاروكة حطب صار بمخيم عيلة الموت
سلامي العينه تلمع لو بجه مو دمعه ياقوت...راسه ينقطع و الرمح يمشي براسه تابوت
وسافه بكل بساطه...يصير أحمر قماطه
سلامي الحضن خالي...و قلب بالغربة دامي
سلامي الرقم ألف و تسعمية ببالي ميروح...سلامي الجف يعادل جسد شفنه اصبعه مذبوح
من يا كتر تطلع حقها لو متحيره الروح...راسه و للأصابع جسمه كله ينكث اجروح
سلامي بالنهاية...عله حسين البداية
سلامي اعله السباية...برقية كل ختامي
