يا مالكَ الشُّعورِ و اللّا شُعورْ...سَـعْـياً على الرؤوس جئنا نزورْ
نـرجــو تجارةً لـنـا لن تبُورْ
🔹🔹🔹🔹🔹
يا أيُّها الذين آمنوا هَلْ...أدُلُّـكُـم عله الطريقِ الأمثل
تِجارةٍ تُـنْجِـيـكُـمُ من عذاب...بيها الرِّبِح يوم القيامه يحصَل
فاز الْگصد يمه...ولا هَـمَّه...حچي العاذِل
فاز الذي يحظَر...لبو الأكبر...وابو فاضِل
🔹
ويّاك اِجينه ندخل اِبْتجاره...يا ضامن الصَّفقه بلا خساره
يحسين بِعنه أرواحنا اشتريها...ردنه الثمن خطوة مشي ابزياره
هاك نزِف دمِّي...اْو سِعِـر سَهْمي...رخص لجلك
هاك يسُلْطاني...عُلُوْ شاني...تحَت رِجلكَ
🔹🔹🔹🔹🔹
يالرايد استثمار و ابضمانات...اقره ابتأمّل كامل الزيارات
مِـتْـرِ ابْـمِـتِـر لحسين إِبني مَوْكِب...و اشتِري جنّه { عَـرْضُهَا السَّماوات }
زُور تره الزاير...صُبح تاجر...مع العتره
زور وإخذ ربْحَك...اعْله گد جرحك...من الزهره
🔹🔹🔹🔹🔹
آنا اللي رأْسُ مالِهِ رجاءه...رجاءه باللّي غُسله من دماءه
أفضل بضاعه اِزيارة أربعينه...و الجنّه بوَّابَتها كربلاءه
جيت لـمَعْـشـوگي...أنا اْو شوگي...اْو دَمِع عيني
جيت بعِت عمري...وأريد أشري...رِضه اِحسيني
🔹🔹🔹🔹🔹
مثل التجاره هاذي عگلي ماشاف...مضمونه أرباحي اْو تِردلي أضعاف
لو أنفِق ابدرْب الزياره دينار...يتعوَّض الدينار عشرة آلاف
صار عَـقِـد رَسْمي...قصُر بِسْمي...اْويه كل خطوه
صار السّفر مكسَب...إذا أتعَـب...التعَـب يسوه

الْضيَّـف له زاير و وأكرَمَه ابْمَبِيته...هُوَّه الحُسين ابْنفسه يحمي بـيـته
و الله يبارك له ابرزِق عِيَاله...و ايْطـُـول عمره اْو تندِفِع بِلِيته
شوف الفِتَح داره...لخطّاره...اشعظم قَدْره
شوف وإِخذ حِصّه...الحَيَا فُرصه...تجي مَرَّه