نصحتك قلت لك باب الأحزان...أحذرك تحرقه هذا قرآن
منزله بسابع سِمه...باب كعبة فاطمه
باب الأحزان
  
باب و ما ترد جفين سائلها...من يتعب محمد يقعد بظلها
هاي الباب بيت الرب يمثلها...من تشعلها يعني الكعبة تشعلها
غرورك عدائك كلهن أسباب...مطامع دوافع حرقن الباب
ضدها نارك مضرمه...باب كعبة فاطمه
باب الأحزان

قسم لو ما الوصية و أمر والدها...إيدك عالزجية اشحدك اتمدها
العدها من أبوها و من علي العدها...حته الشمس تقدر فاطمه اتردها
صبورة شهيدة حقها مغصوب...ملكها ورثها كله منهوب
بيد ناسٍ ظالمه...باب كعبة فاطمه
باب الأحزان

إذا باب الزجية اعيونّه اتنظره...نلقه بكل مكان اجفوف للفقره
نشم عطر النبوة من نشم عطره...والهذا السبب دفعوه عله الزهره
نشاهد عليها بصمة إبهام...أصابع و أيادي جف الأيتام
من وراك ميتمه...باب كعبة فاطمه
باب الأحزان

اشلون اتروح هاي الباب تحرقها...و أصابع جف محمد جانت اتدقها
ليش بنار غدرك هيجي لاحقها...حته الريح جان ايخاف يطبقها
إلهك جعلها رحمه للناس...أثرها خشبها كله ينباس
مو تحرقه و تهدمه...باب كعبة فاطمه
باب الأحزان

الشمس تاخذ إذن لو دخلت اعليها...و علي الكرار يخجل من يحاجيها
الزهره اليرضي رب الكون يرضيها...و انت اتروح تضربها و تبّجيها
حسابك عقابك تالي للنار...يَقاتل يَغادر بنت الأبرار
اتصدرت بالقائمه...باب كعبة فاطمه
باب الأحزان

رغما طيحت بالباب محسنها...حجاب الراس فاطم ما وقع منها
إجاها الموت بيدك من صغر سنها...بعد حضن الرسول القاع تحضنها
عمرها بربيعه و الوجه نور...إجاها و أخذها اتراب القبور
و اشتكه الحامي الحمه...باب كعبة فاطمه
باب الأحزان

بدل متحني باب الزهره بالحنه...تحرقه وضد محمد تنتقم منه
لولاك وقضيتك هاي ما چنه...اليوم بألف راي و نختلف كلنه
ولاجن سمعنه كسر الضلوع...ولاظن بجينه الفاطمه ادموع
لا صدور امهشمه...باب كعبة فاطمه
باب الأحزان

من إيدك جزاء الصار و الشفته...و المثلك أكيد النار منزلته
الحارب عترة أهل البيت عاقبته...يخسر دنيته وخسران آخرته
جزاءك جهنم هذا تاليك...خصيمك محمد من يبريك
محسن يطلبك دمه...باب كعبة فاطمه
باب الأحزان