أم الصبر فاطمه…مو انت يا أيوب
فاطمه فوق الحجر كتبت فكرها…اتصيح يا أيوب من تسمع خبرها
ما كو بالدنيه صبر يوصل صبرها…و الله صبرك حته ما يوصل عِشرها
كتبت الغانمه…وي حيدر اليعسوب
للزجية أرواح جبناها و إجينه…ما عتبنه اعله الزمان الخان بينه
فاطمه الزهره تظل خيمه علينه…ما نعوف الثار لو قطعوا ايدينه
موقف العالمه…فوق العرش مكتوب
أم الصبر مو انت يا أيوب
خلي صوتك للمجد يعزف نشيده…صيح يا أيوب وي أهل العقيده
صيح للزهراء من نقره القصيده…عيده هذا البيت يا رادود عيده
بالشدة و الموزمه…ما عافت المحبوب
لهفة اعيون السمه بلهفة قلبها…بيها جنه اتصيح يا قاع التطبها
كلمه و التاريخ للزهره كتبها…ما تموت اليغضب الباري الغضبها
بالفاجعه المؤلمة…متحيره بيها اقلوب
عمرك اويه الصبر خلص بانتظارك…و انتصار حسين بالطف انتصارك
صيح وي أهل الوفه و ردد شعارك
ما تحجبك شمس يالتضوي بنهارك
أحجيها بالخاتمه…يالتعرف المطلوب
