مظلومه يا زهراء…محرومه يا زهراء
تسل سيف الصبر وتعود فقارك فلا معقول...ويترس صدرك الدخان والخاين عليك ايصول
عليك اتمرجل الخايف يبن عم النبي المرسول
طبعك ما قلت وسفه...علي وبتارك انعرفه
ايديك اشبيها متجتفه
عجب وشلون ترضاها...تصير الغيرك الأُمره
عالي وياعلي اليعلاك بس الباري يا كرار...تأشر عالسمه بجفك تخلي اعله النجوم آثار
اشلون اتواكح ابن إبليس اوياك ويهجم اعله الدار
عجيبه الغصه بوريدك...يالمرجع الزمن بيدك
سقط من فاطمه اوليدك
بقيت اعله الهضم ساكت...بعينك لايجه العبره
المثل البضعه يا كرار اشلون اعله الوجه تنطق...أبد مو طبعك اتهادن و تسكت يا علي اعله الحق
و ما يلحق بعد للقوم نبي ولا مصحف اليلحق
عصرها الما له أصل و أنساب...إجه بحيله ورفسها الباب
وضلع بنت الرسول انعاب
نبت مسمار ذاك الباب...بصدرها وشبت الجمره
سؤال بخاطري وأدري جوابه يريد منك حيل...عليمن فاطمه الزهره يحيدر تندفن بالليل
قبرها اتضمه عن الناس واتصب المدامع سيل
ليش أم الحسن وحسين...ما نندل قبرها وين
جاوبنه يبو الحسنين
يا حكمه اقتضت تخفي...القبر ياوالد العتره
يجرح للقلب يجرح العتب لو طال ندري به...عشر معشار ما نملك من صبرك يبو الطيبه
لذلك ظل أمل عدنه ابنك صاحب الغيبه
يجينه وياخذ بثاره...يشيل بجفه بتاره
ودارك تنطفي ناره
يرد الحق يراعي الحق...إلك يا صاحب القدره
