فكري محتار...بمصاب الزجية
نسأل الدار...عن هاي الرزية

صافن و جفيني حسره اتصافقن...عالذي صار وجره لأم الحسن
النار تسعر مفترض بالكافرين...ليش إجت متلهفه الجنة عدن
تستعر دار...للباري و نبيه
نسأل الدار...عن هاي الرزية

نقره بالتاريخ و نشوف اشكتب...النار هيه النار بس كل العجب
جان برداً من إجه يم الخليل...بس على بت النبي هاج اللهب
شنهي الأسرار...بالنار السرية
نسأل الدار...عن هاي الرزية

النار تترك بالقلب ذكره و أثر...عدها عشره لجن عشرتها كدر
مثل ظل و رافقت زينب سنين...من المدينه الليلة الحادي عشر
نفس الآثار...برض الغاضرية
نسأل الدار...عن هاي الرزية

النار أشد عالحره من ضرب السيوف...بالأخص لو جارت اعليها الظروف
السيف يقطع له نحر بس باللهيب...اشسوه بالأيتام من وج بالطفوف
تسحق ازغار...جمر العـالوطيه
نسأل الدار...عن هاي الرزية

و الأشد و الله نيران القلب...عالعفيفة لمن تسير بغرب
حقها تتنفس جمر بت الكرام...لو يسيره الإبن مرجانه تطب
الزمن يندار...و الحره سبية
نسأل الدار...عن هاي الرزية
 
و احنه عشنه بنار بس نار الزمن...نتاني مصلح يظهر و يمحي الفتن
نقبض اعله الجمر و نصيح بنداء...عجل الله فرجك يبن الحسن
صاحب الثار...ينهيها القضية
نسأل الدار...عن هاي الرزية