ما أخاف...بالحشر موكب أهالي الجنة قائم
ما أخاف...عالليالي الفاطمية و عالمآتم
هذا طبعي و ما أبدل هذا طبعي...الله لا يحرمني من هالخدمه أدعي
آنا خايف و اطمئنيت اعله وضعي...هناك بالجنه مجالس يحيي دمعي
ما أخاف...الجنة شيعية بفضل دمعات فاطم
مو طمع بالجنه لو خوفاً من النار...آنا كل فكري بمجالس فاطمه صار
حور عين اشتنفع و ما رايد أنهار...عني ترضه فاطمه أجمل خبر سار
ما أخاف...لو رضت عني الوديعة ماني نادم
فاطمه اتناديني ها يبن الشعائر...و اعله هيئة نور مرتفعه المنابر
قبل كل رادود يصعد يقره شاعر...ما أكو أيام العمر بالجنة عاشر
ما أخاف...آنه خادم و أبقه عند الزهره خادم
كل مواكبنه نشوف هناك تلتم...من جماد الآخر عاشر محرم
كل فجر تطبير عندي وينزف الدم...لو ردت أسحق جمر أسحق جهنم
ما أخاف...ماكو تشكيك و مخافة لوم لائم
احنه غير حسين يتردد مثيله...بالليالي الفاطمية يصح بديله
احنه غير الزهره ما عدنه وسيله...و الدموع اهواي جفتها ثجيلة
ما أخاف...خذت صك من فاطمه وللجنة عازم
قبل لا أختم كلامي بهالقضية...نيتي وحده بهالليالي الفاطمية
كون تطلع روحي في مجلس عزية...حته اغمض عيني و أبجي اعله الزجية
ما أخاف...من بعد هذا الكلام وقلبي عالم
