أقيموها شعائركم...ادفنوني بمشاعركم
من قبري أجيكم و أحضر اللطمية...و العنده حاجه بمجلسي مقضية
ما أقدر ألطم بالعزه عليه...يلجمني ضلعي لو شلت ايديه
تشوفوني مثل أمكم...ادفنوني بمشاعركم
اثمنطعش عمري و لا رحموني...ما شبعن من اولادي شوف اعيوني
لو شلتوا ايديكم للطم ذكروني...محسن يشاقف عني من عصروني
تهّديني مجالسكم...ادفنوني بمشاعركم
ظلموني و آنا أمكم صعب موضوعي...مو سهله ترباتي تغسله ادموعي
لا مو خدم انتم بدال اشموعي...لو صحتو يا زهراء تطيب اضلوعي
مثل ضايع أدوركم...ادفنوني بمشاعركم
آنا أمكم و حرموني من بنيني...من قد حقدهم ما سلم جنيني
لمن طحت بولادي ظل ونيني...هذا لطمكم يمحي سطرة عيني
شغل بالي اعله شوفتكم...ادفنوني بمشاعركم
آنا و علي و طه العزاء انقوده...كل دمعه باجر بالحشر محسوده
و المهدي يطلع و الغيارة اجنوده...يا با الفضل لو صحتو ينسه ازنوده
رسول الله يقول إلكم...ادفنوني بمشاعركم
أتمنه أسّمعكم شكو بخيالي...صوت الضلوع الما يفارق بالي
لمن طحت عيني تصد لعيالي...هضموني قاموا غالي يشبك غالي
عمت عيني مدامعكم...ادفنوني بمشاعركم
اتخدموني باجر بيدي أرد الخدمه...الما عنده أم بالعازة آني أمه
محسن تشوفوه بالمواقف زلمه...من الله دمعتكم عليَّ نعمه
أنا اوياكم و أعاهدكم...ادفنوني بمشاعركم
